ശക്തമായ സ്ത്രീകഥാപാത്രവുമായി ആശ ശരത് ; ‘തെളിവ്’ ചിത്രത്തിന്റെ ട്രെയിലർ പുറത്ത്

പ്രമുഖ തിരക്കഥാകൃത്ത് ചെറിയാൻ കല്പകവാടിയും സംവിധായകൻ എം.എ. നിഷാദും വീണ്ടും ഒന്നിക്കുന്ന ചിത്രം ‘തെളിവിന്റെ ട്രെയിലർ പുറത്തിറങ്ങി. ആശ ശരത്ത് കേന്ദ്ര കഥാപാത്രമായി എത്തുന്ന ചിത്രത്തിൽ  രൺജി പണിക്കർ, ലാൽ, നെടുമുടി വേണു, സിജോ വർഗീസ്, മണിയൻപിള്ള രാജു, ജോയ് മാത്യു, മീര നായർ, മാല പാർവതി എന്നിങ്ങനെ നീണ്ടതാരനിര തന്നെ അണിനിരക്കുന്നു.

ഒരു തുരുത്തിൽ ഒറ്റപ്പെട്ടുപോയ സ്ത്രീയുടെ അതിജീവനപോരാട്ടത്തിന്റെ കഥയാണ് ചിത്രം പറയുന്നത്. ദേശീയ പുരസ്‌കാരംജേതാവ് നിഖിൽ എസ്. പ്രവീൺ ആണ് ചിത്രത്തിന് ഛായാഗ്രഹണം നിർവ്വഹിക്കുന്നത്. പ്രഭാവർമ്മയും കെ ജയകുമാറും രചിച്ച ഗാനങ്ങൾക്ക് സംഗീതം നൽകിയിരിക്കുന്നത് കല്ലറ ഗോപൻ ആണ്.