മമ്മൂട്ടിയെ നായകനാക്കി രമേഷ് പിഷാരടി സംവിധാനം ചെയ്‌ത ചിത്രമാണ് ‘ഗാനഗന്ധര്‍വൻ’. കഴിഞ്ഞ ദിവസം പുറത്തിറങ്ങിയ ചിത്രത്തെ അഭിനന്ദിച്ച് എത്തിയിരിക്കുകയാണ് ഗായിക റിമി ടോമി. ഗാനമേള ഗായകനായ കലാസദന്‍ ഉല്ലാസായാണ് മമ്മൂട്ടി ചിത്രത്തിൽ എത്തിയത്. മികച്ച പ്രതികരണമാണ് ചിത്രത്തിന് ലഭിക്കുന്നത്. നാളുകള്‍ക്ക് ശേഷം പഴയ മമ്മൂട്ടിയെ തിരിച്ചുതന്ന പിഷാരടിക്ക് നന്ദിയെന്നായിരുന്നു ആരാധകര്‍ പറഞ്ഞത്. ഈ അഭിപ്രായം തന്നെയായിരുന്നു റിമിയും പറഞ്ഞത്.
പിഷു തകര്‍ത്തുവെന്നും സൂപ്പര്‍ മൂവിയാണ് ഗാനഗന്ധര്‍വനെന്നും റിമി ടോമി കുറിച്ചിട്ടുണ്ട്. ഒരുപാട് ചിരിക്കാനും ചിന്തിക്കാനുമുള്ള നല്ല സിനിമയാണ്. സിനിമയുടെ ക്ലൈമാക്‌സും പൊളിച്ചു. മമ്മൂക്ക, മനോജേട്ടന്‍, സുരേഷേട്ടന്‍, സിദ്ദിഖേട്ടന്‍, ധര്‍മ്മു, തുടങ്ങി എല്ലാവരും തകര്‍ത്തു. അത് പോലെ തന്നെ സൂപ്പര്‍ സിംഗറും. അതാരാണെന്നുള്ള കാര്യം സസ്‌പെന്‍സായിരിക്കട്ടെയെന്നും റിമി കുറിച്ചിട്ടുണ്ട്.
Post Your Comments