ഫർഹാദ് സംജി സംവിധാനം ചെയ്യുന്ന ഹൗസ്ഫുൾ 4 ന്റെ ട്രൈലർ പുറത്തിറങ്ങി. ബോളിവുഡിൽ വൻ വിജയം നേടിയ ഹൗസ്ഫുൾ സീരീസ് സിനിമകളിൽ നാലാമത്തെ ചിത്രമാണിത്. 1419 മുതൽ 2019 വരെയുള്ള പുനർജന്മവുമായി ബന്ധപ്പെട്ട നർമരസങ്ങളുടെ ഫാന്റസി പ്രമേയമാണ് ചിത്രത്തിന്റേത്.
അക്ഷയ് കുമാർ, ഋതേഷ് ദേശ്‌മുഖ് ,റാണാ ദഗുബാട്ടി ,ബോബി ഡിയോൾ ,കൃതി സനോൻ ,പൂജാ ഹെഗ്‌ഡേ,കൃതി ഖാർബന്ധ , ചുങ്കി പാണ്ഡെ , ബൊമൻ ഇറാനി, നവാസുദീൻ സിദ്ദീഖി എന്നിവരാണ് ചിത്രത്തിലെ പ്രധാന അഭിനേതാക്കൾ.
സജിത്ത് നദിയാദ്‌വാലയുടെ കഥയ്ക്ക് തിരക്കഥ രചിച്ചിട്ടുള്ളത് സജിത്ത് സംജിയാണ്. ദേവി ശ്രീപ്രസാദ് , സോഹലീ സെൻ ,വിപിൻ പട്ട്വാ, തനിഷ്ക് ഭഗച്ചി ,ഗുരു റാന്തവെ ,രജത് നാഗ് പാൽ എന്നീ ആറു സംഗീത സംവിധായകരാണ് ഈ ബ്രഹ്മാണ്ഡ ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. ഫോക്‌സ് സ്‌റ്റാർ സ്റ്റുഡിയോസും നദിയാദ്‌വാല ഗ്രാൻഡ്‌സൺ എന്റർടെയ്ൻമെന്റും സംയുക്തമായി നിർമിച്ച ചിത്രം ഒക്ടോബർ 25 ന് പ്രദർശനത്തിനെത്തും.
Post Your Comments