സംഗീത സംവിധായകനായി എത്തി കോളിവുഡിൽ ശ്രദ്ധ നേടിയശേഷം നായകനായി മിന്നിത്തിളങ്ങിയ താരമാണ് ജി വി പ്രകാശ് കുമാര്‍. എന്നാൽ കോളിവുഡിന് പുറമെ ഹോളിവുഡിലും ഒരു പ്രധാന കഥാപാത്രത്തെ അവതരിപ്പിക്കാൻ ഒരുങ്ങുകയാണ് താരം.
റിക്കി ബര്‍ച്ചെല്‍ സംവിധാനം ചെയ്യുന്ന സിനിമയിലാണ് ജി വി പ്രകാശ് കുമാര്‍ അഭിനയിക്കുന്നത്. ട്രാപ് സിറ്റിയെന്നാണ് ചിത്രത്തിന്റെ പേര്. ബ്രാൻഡണ്‍ ടി ജാക്സണും ഒരു പ്രധാന കഥാപാത്രമായി ചിത്രത്തിൽ എത്തുന്നു. ഒരു ക്രൈം ത്രില്ലറായിട്ടായിരിക്കും ചിത്രം പുറത്തിറങ്ങുന്നത്. സിനിമയെ കുറിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല.
ശിവപ്പ് മഞ്ഞ പച്ചൈ എന്ന ചിത്രമാണ് ഏറ്റവും ഒടുവിലായി താരം നായകനായി പ്രദര്‍ശനത്തിന് എത്തിയ ചിത്രം. 100 ശതമാനം കാതല്‍, കാതലിക്കാൻ ആരുമില്ലൈ എന്നിങ്ങനെ ഒട്ടേറെ സിനിമകളാണ് ജി വി പ്രകാശ് കുമാര്‍ നായകനായി പുറത്തിറങ്ങനിരിക്കുന്ന തമിഴ് ചിത്രങ്ങൾ.
Post Your Comments