കൂടെയുള്ള പുള്ളിക്കാരന്‍ ഇന്ന് ഊതിക്കാച്ചിയ നടനായി മാറിയിരിക്കുന്നു; സൂപ്പര്‍താരത്തിന്റെ പഴയകാല ചിത്രം

മലയാളത്തിന്റെ താരപുത്രന്മാരില്‍ സ്വന്തമായ സ്ഥാനം നേടിയ നടനാണ്‌ ഇന്ദ്രജിത്. നടന്‍ സുകുമാരന്റെയും നടി മല്ലികയുടെയും മകനായ ഇന്ദ്രജിത്ത് സ്‌കൂളിലെ കലാരംഗത്ത് സജീവ സാന്നിധ്യമായിരുന്നു. ഇന്ദ്രജിത്തിന്റെ കുട്ടിക്കാലത്തെ കഴിവിനെക്കുറിച്ച്‌ ഓര്‍മ പങ്കുവെച്ചിരിക്കുകയാണ് താരത്തിന്റെ സഹപാഠി. സൈനിക് സ്‌കൂളില്‍ ഇന്ദ്രജിത്തിന്റെ സഹപാഠിയായിരുന്ന ഗണേഷ് മോഹന്റേതാണ് കുറിപ്പ്. ഒപ്പം താരത്തിനൊപ്പം മിമിക്രി അവതരിപ്പിക്കുന്നതിന്റെ ചിത്രവും പങ്കുവെച്ചിട്ടുണ്ട്. സുഹൃത്തിന്റെ ഓര്‍മ താരം തന്റെ ഫേയ്‌സ്ബുക്ക് പേജില്‍ ഷെയര്‍ ചെയ്തിട്ടുണ്ട്.

സുഹൃത്തിന്റെ ഫേയ്‌സ്ബുക്ക് പോസ്റ്റ്

‘നടനിലേക്കുള്ള ദൂരംമൈ കര്‍മ മൊമന്റ്

ഒരിക്കല്‍ നടനാകാന്‍ ആഗ്രഹിച്ചു, ഉറപ്പായും നടനെ ആകൂ എന്ന് എനിക്ക് ഉറപ്പുണ്ടായിരുന്ന ചങ്ങാതിയുമായി ചേര്‍ന്ന് ചില്ലറ നമ്ബറുകള്‍ ഒക്കെ ഇട്ട് നടന്നു. അതൊരു കാലം.. !!

ഇന്നലെ ഓണമൊക്കെയുണ്ട് വീട്ടിലെ പഴയ സാധനങ്ങള്‍ ഒതുക്കി വെക്കുമ്ബോള്‍ ഈ ഫോട്ടോ കിട്ടി. പഴയ ഒരു മിമിക്രിയുടെ ഫോട്ടോ. കണ്ടപ്പോള്‍ വല്ലാത്ത ഒരു സന്തോഷം…

കൂടെയുള്ള പുള്ളിക്കാരന്‍ ഇന്ന് ഊതിക്കാച്ചിയ നടനായി മാറിയിരിക്കുന്നു, ഈയുള്ളവന്‍ നിന്നടത്തു തന്നെ നിന്ന് വിവിധ ജീവിതവേഷങ്ങള്‍ കെട്ടിയാടുന്നു…

‘നോം അഭ്രപാളികളില്‍ നടനായില്ലന്നു മാത്രമല്ല, ഇനി ഒരിക്കലും അത് ആകാനും പോണില്ല എന്ന തിരിച്ചറിവുണ്ടായിരിക്കണു! അതാണ് ഇഷ്ടാ ഈ ,

REALISING YOUR KARMA MOMENT എന്നൊക്കെ പറയുന്നത് !! ‘

LIFE IS GOOD, YET NOSTALGIA IS A GREATER FEELING.