വർഷങ്ങളോളം ചെയ്ത ജോലി; സഹപ്രവർത്തകർക്ക് ചായ അടിച്ചു കൊടുത്ത് പ്രിയ ഗായകന്‍

നെഞ്ചിനുള്ളിൽ നീയാണ്…കണ്ണിൻ മുന്നിൽ നീയാണ്’ ഈ ഗാനം ഏറ്റുച്ചൊല്ലാത്ത മലയാളികള്‍ അപൂര്‍വ്വം. ഒരു പിടി ഹിറ്റ് പ്രണയഗാനത്തിലൂടെ മലയാളികളുടെ ഹൃദയം കവര്‍ന്ന മാപ്പിളപ്പാട്ട് ഗായകനാണ് താജുദ്ദീൻ വടകര. ഇപ്പോഴിതാ, താജുദ്ദീൻ തന്റെ ഫെയ്സ്ബുക്ക് പേജിൽ പങ്കുവച്ച ഒരു വിഡിയോ സോഷ്യൽ മീഡിയയിൽ വൈറലാകുന്നു.

ഒരു തട്ടുകടയ്ക്കുള്ളിൽ നിന്ന് ചായയൊഴിച്ച് കൊടുക്കുന്ന തന്റെ വിഡിയോയാണ് സോഷ്യല്‍ മീഡിയയില്‍ അദ്ദേഹം പങ്കു വച്ചിരിക്കുന്നത് ‘വർഷങ്ങൾ ചെയ്ത ജോലിയാണേലും ആ കടയ്ക്കകത്ത് നിന്നും സഹപ്രവർത്തകർക്ക് ചായ അടിച്ചു കൊടുത്തപ്പോൾ ഇന്നെനിക്കു പടച്ചവൻ നൽകിയ അനുഗ്രഹത്തെ ഓർത്തു വല്ലാതെ മനസ്സ് ഓരോന്നോർത്തുപോയി… അൽഹംദുലില്ലാഹ്…’.– എന്നും അദ്ദേഹം കുറിച്ചു