ബിഗ്‌ ബോസ് റിയാലിറ്റി ഷോയിലൂടെ മലയാളികളുടെ മനം കവര്‍ന്ന നടി പേളി മാണി ബോളിവുഡ് അരങ്ങേറ്റത്തിനുള്ള ഒരുക്കങ്ങളിലാണ്. അഭിഷേക് ബച്ചനും ആദിത്യ റോയ് കപൂറിനുമൊപ്പം അനുരാഗ് ബസു ചിത്രത്തിലൂടെയാണ് പേളി ബോളിവുഡിലെത്തുന്നത്. സോഷ്യല്‍ മീഡിയയില്‍ സജീവമായ താരം പോസ്റ്റ് ചെയ്ത ചിത്രമാണ് ചര്‍ച്ചയാകുന്നത്.
മുഖത്ത് പുള്ളിക്കുത്തുകളുമായി ഇതുവരെ കാണാത്ത രീതിയിലുള്ള ഫോട്ടോഷൂട്ടാണ് പേളി നടത്തിയിരിക്കുന്നത്. ‘അവളുടെ ആത്മം നിര്‍വ്വചിക്കാന്‍ അനുവദിച്ചുകൊണ്ട് അവള്‍ ഇലകളോട് ലയിച്ചു’, ചിത്രം പങ്കുവച്ചുകൊണ്ട് പേളി കുറിച്ചു. എല്ലാവരും അഴകുള്ളവരാണെന്നും എല്ലാ ചര്‍മ്മവും മനോഹരമാണെന്നും ഇതോടൊപ്പം കുറിച്ചിട്ടുണ്ട്.
ഇത്തരത്തിലൊരു ഫോട്ടോഷൂട്ട് നടത്താനുള്ള ആശയത്തെ അഭിനന്ദിച്ചുകൊണ്ടുള്ള കമന്റുകള്‍ ആണ് താരത്തിനു ലഭിക്കുന്നതെങ്കിലും ട്രോളുമായി ചിലര്‍ എത്തുന്നുണ്ട്. ‘പേളിക്ക് ചിക്കന്‍പോക്സ് ആണോ’ എന്നും ‘ടാര്‍സന്റെ പെങ്ങളാണോ’ എന്നുമൊക്കെയാണ്‌ ഇക്കൂട്ടരുടെ ചോദ്യം. ഇത് കുറച്ച്‌ കൂടിപ്പോയി, സഹിക്കാനാവുന്നില്ലെന്നും ചില ആരാധകര്‍ കുറിക്കുന്നു.
Post Your Comments