ആരാധകരേ അമ്പരപ്പിച്ച് മലയാളികളുടെ പ്രിയതാരം; വമ്പന്‍ മേക്ക്ഓവര്‍

കുടുംബ ചിത്രങ്ങളിലൂടെ മലയാളത്തിന്റെ പ്രിയ താരമായി മാറിയ നടനാണ്‌ ജയറാം. താരത്തിന്റെ പുതിയ മേക്ക്ഓവര്‍ കണ്ട് ഞെട്ടിയിരിക്കുകയാണ് ആരാധകര്‍.

കൂടുതല്‍ മെലിഞ്ഞ് മസില്‍മാനായി പ്രത്യക്ഷപ്പെടുന്ന പുതിയ ഫോട്ടോ ജയറാം തന്നെയാണ് ഫേസ്ബുക്കിലൂടെ പങ്കുവെച്ചിരിക്കുന്നത്. പ്രായം കുറവു തോന്നിക്കുന്നുവെന്നും കൂടുതല്‍ സുന്ദരനായല്ലോയെന്നുമുള്ള കമന്റുമായി ആരാധകരും രംഗത്തെത്തി.

തെലുങ്ക് താരം അല്ലു അര്‍ജുന്റെ നായകനാകുന്ന ചിത്രത്തിനു വേണ്ടിയാണ് താരത്തിന്റെ പുതിയ മേക്ക്ഓവര്‍. ത്രിവിക്രം ശ്രീനിവാസ് സംവിധാനം ചെയ്യുന്ന എ എ 19 എന്ന ചിത്രത്തില്‍ അല്ലു അര്‍ജുന്റെ അച്ഛനായാണ് ജയറാം അഭിനയിക്കുന്നതെന്ന് സൂചന. അല്ലു അര്‍ജുന്റെ അമ്മവേഷത്തിലെത്തുന്നത് തബുവാണ്. നായികയായി പൂജ ഹെഗ്ഡയും എത്തും.