അര്‍ജുന്‍ റെഡ്ഡി എന്ന ഒറ്റ ചിത്രത്തിലൂടെ തന്നെ തുഎന്നുത്യന്‍ ആരാധകരുടെ പ്രിയ താരമായി മാറിയ നടനാണ്‌ വിജയ് ദേവരെക്കൊണ്ട. ഡിയര്‍ കോമ്രേഡ് എന്ന ഏറ്റവും പുതിയ ചിത്രത്തിന്റെ റിലീസ് കാത്തിരിക്കുകയാണ് താരം. സിനിമയുടെ പ്രമോഷന്‍ ചടങ്ങുകളുടെ തിരക്കിലായ താരം ഒരു പൊതുവേദിയില്‍ സംസാരിക്കവെയുണ്ടായ ഒരു സംഭവമാണ് വീഡിയോരൂപത്തില്‍ ഇപ്പോള്‍ സോഷ്യല്‍മീഡിയയില്‍ പ്രചരിക്കുന്നത്.
വലിയൊരു സദസ്സ് മുന്നില്‍ വേദിയില്‍ നിന്ന് പ്രസംഗിക്കുകയാണ് നടന്‍. അതിനിടയിലാണ് സംഭവം. പെട്ടെന്ന് ഒരു ആരാധകന്‍ ഓടി വന്ന് താരത്തെ തള്ളിയിട്ടു. ഇഷ്ടതാരത്തോടുള്ള സ്‌നേഹം കൊണ്ട് താരത്തെ നേരിട്ട് കണ്ട് ആശംസിക്കാനായി ഓടി എത്തിയതായിരുന്നു ആരാധകന്‍. വിജയ് വേദിയില്‍ വീണു. വീഴുന്ന ദൃശ്യങ്ങള്‍ വീഡിയോയില്‍ വ്യക്തമാണ്.
വേദിയില്‍ ഒപ്പമുണ്ടായിരുന്നവര്‍ താരത്തെ പിടിച്ചെഴുന്നേല്‍പ്പിച്ചു. അതിനു ശേഷം ആരാധകനോട് സ്‌നേഹം കാണിച്ചതാണോ അതോ ശരിക്കും ആക്രമിച്ചതാണോ എന്നു ചിരിച്ചുകൊണ്ടു താരം ചോദിക്കുന്നതും വീഡിയോയിലുണ്ട്.
ഭരത് കമ്മ സംവിധാനം ചെയ്യുന്ന ചിത്രമാണ് ഡിയര്‍ കോമ്രേഡ്. തെലുങ്ക്, കന്നട, മലയാളം, തമിഴ് എന്നീ ഭാഷകളില്‍ ഒരുങ്ങുന്ന ചിത്രം വെള്ളിയാഴ്ച്ച പുറത്തിറങ്ങും.
Post Your Comments