തെലുങ്ക്, കന്നട സിനിമയിലെ സൂപ്പര്‍താരമാണ് രശ്മിക മന്ദാന. താരം ഇന്ന് മലയാളികള്‍ക്കും സുപരിചിതയാണ്. ഡിയര്‍ കോംമ്രേഡ്സ് എന്ന ചിത്രത്തിലൂടെ മലയാളത്തിലേക്ക് എത്തുകയാണ് താരം. ഇപ്പോഴിതാ മലയാളത്തില്‍ അഭിനയിക്കാനുള്ള ആഗ്രഹം തുറന്നു പറഞ്ഞിരിക്കുകയാണ് രശ്മിക.
‘ദുല്‍ഖറിനൊപ്പം അഭിനയിക്കാന്‍ വളരെ ആഗ്രഹമുണ്ട്. അതിന്റെ കാരണമറിയില്ല. അദ്ദേഹത്തിന്റെ സിനിമകളുടെ പേരൊക്കെ ഓര്‍ക്കാന്‍ ബുദ്ധിമുട്ടാണെങ്കിലും അവയെല്ലാം വളരെ ഇഷ്ടമാണ്. സോഷ്യല്‍ മീഡിയയിലൂടെ അദ്ദേഹം എങ്ങനെയുള്ള ആളാണെന്നെല്ലാം അറിയാം. പുഞ്ചിരിക്കുന്ന, എന്‍ജോയ് ചെയ്യുന്ന, എത്ര ടെന്‍ഷനുള്ള ജോലിയാണെങ്കിലും നമ്മളെ ആശ്വസിപ്പിക്കുന്ന നല്ല ആളുകള്‍ക്കൊപ്പം ജോലി ചെയ്യാനാണ് എനിക്കിഷ്ടം. നിവിനൊപ്പവും അഭിനയിക്കണം. മലയാളത്തില്‍ എന്തായാലും ഒരു ചിത്രത്തില്‍ അഭിനയിക്കണം.’ രശ്മിക പറഞ്ഞു.
Post Your Comments