സത്യത്തിനെന്നും ശരശയ്യ മാത്രം, കൃഷ്ണാ നീ എവിടെ..? അമ്മ മീറ്റിങ്ങിന് ശേഷം ഷമ്മി തിലകന്റെ കുറിപ്പ് വൈറല്‍

അമ്മയുടെ 25ാം ജനറല്‍ ബോഡി യോഗം നടന്‍ ഷമ്മി തിലകനും പങ്കെടുത്തിരുന്നു. കഴിഞ്ഞ ദിവസമാണ് യോഗം നടന്നത്. ജനറല്‍ ബോഡിക്ക് ശേഷം അംഗങ്ങള്‍ ഒരുമിച്ചുള്ള ഫോട്ടോ സെഷനിടെ എടുത്ത സെല്‍ഫിയ്ക്കൊപ്പം ഷമ്മി ഫെയ്സ്ബുക്കില്‍ കുറിച്ച വാക്കുകള്‍ ഏറെ ശ്രദ്ധ നേടിയിരിക്കുകയാണ്. ‘പത്തോളം വര്‍ഷങ്ങള്‍ക്ക് ശേഷം, അമ്മയ്ക്കൊപ്പം. സത്യത്തിനെന്നും ശരശയ്യ മാത്രം. കൃഷ്ണാ നീ എവിടെ..? എവിടെ..? സംഭവാമി യുഗേ യുഗേ..! എന്നാണ് ഷമ്മി ഫെയ്സ്ബുക്കില്‍ കുറിച്ചത്.

യോഗത്തില്‍ ജോയ് മാത്യുവായിരുന്നു തിലകനെ പുറത്താക്കിയ നടപടി പിന്‍വലിക്കണമെന്ന് ആവശ്യപ്പെട്ടിരുന്നത്. ഇതിനോട് തിലകന്‍ അമ്മയുടെ ഭാഗമാണെന്നാണ് മോഹന്‍ലാല്‍ പത്രസമ്മേളനത്തില്‍ പ്രതികരിച്ചത്. 2010- ലാണ് തിലകനും അമ്മ സംഘടനയും തമ്മില്‍ പിരിയുന്നത്. അച്ചടക്ക നടപടിയ്ക്ക് വിശദീകരണം നല്‍കിയില്ലെന്നായിരുന്നു അന്ന് ആരോപിച്ചിരുന്ന കുറ്റം.

https://www.facebook.com/shammythilakanofficial/posts/2194943787240689