മകന് പിറന്നതിന് പിന്നാലെ നടന്‍ കുഞ്ചാക്കോ ബോബന്‍ മകന് ചുറ്റുമാണെന്ന് പ്രിയ. പതിനാല് വര്‍ഷത്തെ കാത്തിരിപ്പിനൊടുവില്‍ കിട്ടിയ സന്തോഷം അത്രമേല്‍ ആഘോഷിക്കുകയാണ് ചാക്കോച്ചനും ഭാര്യ പ്രിയയും. കുഞ്ഞു കരയുമ്പോള്‍ ചിലപ്പോഴൊക്കെ താന്‍ അറിഞ്ഞില്ലെങ്കിലും ചാക്കോച്ചന്‍ ചാടിയെഴുന്നേല്‍ക്കും എന്നാണ് പ്രിയ പറയുന്നത്.
‘ചാക്കോച്ചന്റെ ലോകം ഇപ്പോള്‍ മോനു ചുറ്റും തിരിഞ്ഞുകൊണ്ടിരിക്കുകയാണ്. കുഞ്ഞിനെ കെട്ടിപ്പിടിച്ചുറക്കുന്നു. എടുത്തു നടക്കുന്നു. ചിലപ്പോള്‍ കുഞ്ഞു കരഞ്ഞാല്‍ ഞാനറിയാറില്ല. പക്ഷേ, ചാക്കോച്ചന്‍ ചാടിയെഴുന്നേല്‍ക്കുമെന്നും പ്രിയ പറയുന്നു. കുഞ്ഞു വേണമെന്ന മോഹം പരാജയപ്പെടുമ്പോഴെല്ലാം സാരമില്ല, വിഷമിക്കേണ്ട നമ്മള്‍ ഹാപ്പിയായി ഇരുന്നാല്‍ മതിയെന്ന് പറഞ്ഞുകൊണ്ടിരുന്ന ആളാണ്. പക്ഷേ ഇപ്പോള്‍ അവനോടുള്ള ഇഷ്ടം കാണുമ്പോള്‍ ദൈവമേ, ഇത്രയും മോഹം മനസ്സില്‍ ഒളിപ്പിച്ചിട്ടാണോ എന്നെ ആശ്വസിപ്പിച്ചതെന്ന് തിരിച്ചറിയുന്നുണ്ട്- പ്രിയ കൂട്ടിച്ചേര്‍ത്തു.
Post Your Comments