സിനിമ മേഖലയ്ക്ക് വലിയ നഷ്ടം; ഗിരീഷ് കര്‍ണാടിന് ആദരാഞ്ജലി അര്‍പ്പിച്ച് മോഹന്‍ലാല്‍

ജ്ഞാനപീഠജേതാവും വിഖ്യാത കന്നട എഴുത്തുകാരനും ചലച്ചിത്രകാരനുമായ ഗിരീഷ് കര്‍ണാടിന് ആദരാഞ്ജലി അര്‍പ്പിച്ച് മോഹന്‍ലാല്‍ രംഗത്ത്. സമൂഹ മാധ്യമത്തിലാണ് മോഹന്‍ലാല്‍ തന്റെ അനുശോചനം രേഖപ്പെടുത്തിയത്. സിനിമ മേഖലയ്ക്ക് വലിയ നഷ്ടമെന്നും താങ്കള്‍ എന്നും ഓര്‍മ്മിക്കപ്പെടുമെന്നുമാണ് മോഹന്‍ലാല്‍ കുറിച്ചത്.

https://www.facebook.com/ActorMohanlal/photos/a.562983553757345/2275839759138374/?type=3&theater

ഗിരീഷ് കര്‍ണാട് വംശവൃക്ഷ അടക്കം ഒട്ടേറെ സിനിമകള്‍ സംവിധാനം ചെയ്തിട്ടുണ്ട്. പത്മശ്രീയും പത്മഭൂഷനും 1998 ജ്ഞാനപീഠവും ഗിരീഷ് കര്‍ണാടിനെ തേടിയെത്തി. കന്നട സാംസ്‌കാരിക ലോകത്തെ ബഹുമുഖ പ്രതിഭ എന്ന നിലയിലാണ് ഗിരീഷ് കര്‍ണാട് അറിയപ്പെട്ടത്. സംവിധാനവും എഴുത്തും മാത്രമല്ലാതെ അഭിനയവും അദ്ദേഹത്തിന് വഴങ്ങിയിരുന്നു.