മിനിസ്‌ക്രീനിലെ പ്രിയതാരങ്ങളെയെല്ലാം ഒരുവേദിയില്‍. താരങ്ങള്‍ക്കായി സംഘടനകള്‍ നിലവിലുണ്ട്. സിനിമയുമായി ബന്ധപ്പെട്ട് പ്രവര്‍ത്തിക്കുന്നവര്‍ക്കായി അമ്മ എന്ന സംഘടനയുള്ളപ്പോള്‍ മിനിസ്ക്രീന് താരങ്ങളുടെ സംഘടനയാണ് ആത്മ. കഴിഞ്ഞ ദിവസമായിരുന്നു ആത്മയുടെ യോഗം നടന്നത്. നാളുകള്‍ക്ക് ശേഷം സുഹൃത്തുക്കളെയെല്ലാം ഒരുമിച്ച് കണ്ടതിന്റെ സന്തോഷത്തിലാണ് താരങ്ങള്‍.
കൂടിക്കാഴ്ചയ്ക്കിടയിലെ ചിത്രങ്ങള്‍ സമൂഹമാധ്യമത്തില്‍ പല താരങ്ങളും പങ്കുവച്ചിരുന്നു. സെന്തില്‍, കിഷോര്‍ സത്യ, അനീഷ് രവി, തുടങ്ങിയവര്‍ക്കൊപ്പമുള്ള ചിത്രങ്ങളുമായാണ് സ്‌നേഹ ശ്രീകുമാര്‍ എത്തിയത്. മറിമായമെന്ന ഹാസ്യപരമ്പര കാണുന്നവര്‍ക്ക് സ്‌നേഹയെ പരിചിതമാണ്.
മിനിസ്ക്രീന് പ്രേക്ഷകരുടെ പ്രിയപ്പെട്ട താരങ്ങളിലൊരാളായ ദീപന്‍ മുരളിയും ആത്മ ജനറല്‍ ബോഡി യോഗത്തിനിടയിലെ ചിത്രങ്ങളുമായി എത്തിയിട്ടുണ്ട്. അര്‍ച്ചന സുശീലന്‍, രഞ്ജിത്ത് രാജ്, പ്രേകുമാര്‍, ബീന ആന്റണി, മനോജ്, തുടങ്ങിയവര്‍ക്കൊപ്പമുള്ള ചിത്രങ്ങളുമായാണ് ദീപന്‍ മുരളി എത്തിയിട്ടുള്ളത്.
Post Your Comments