മലയാളത്തിന്റെ മെഗാതാരം മോഹൻലാൽ സംവിധായകനാകുകയാണ്. എന്നാല്‍ മോഹന്‍ലാല്‍ കഥ എഴുതി അഭിനയിച്ച ഒരു ചിത്രമുണ്ട്. അതിനു എന്ത് സംഭവിച്ചു?.
മോഹന്‍ലാല്‍ കഥ എഴുതിയ ചിത്രമാണ് ‘സ്വപ്നമാളിക’. കരിമ്പില്‍ ഫിലിംസ് ആണ് സിനിമ നിര്‍മ്മിച്ചത്. കെ എ ദേവരാജനാണ് ഈ ചിത്രം തിരക്കഥ എഴുതി സംവിധാനം ചെയ്തത്. മോഹന്‍ലാല്‍ ആദ്യമായി കഥ രചിക്കുകയും അഭിനയിക്കുകയും ചെയ്യുന്ന സിനിമ എന്ന അവകാശവാദവുമായി ആരംഭിച്ച സ്വപ്നമാളിക എന്ന പ്രൊജക്റ്റ് ഇതുവരെയും പ്രദര്‍ശനത്തിനു എത്തിയിട്ടില്ല. ചിത്രീകരണം പൂര്‍ത്തിയാക്കിയ സിനിമ ചില സാങ്കേതിക കുരുക്കില്‍പ്പെട്ടുകിടക്കുകയാണ്
മോഹന്‍ലാല്‍ നായകനായ ഈ ചിത്രത്തില്‍ ജയ് കിഷന്‍ സംഗീതം നല്‍കിയ ഗാനങ്ങള്‍ യേശുദാസ്, ജി വേണുഗോപാല്‍, ചിത്ര എന്നിവര്‍ ആലപിച്ചിരിക്കുന്നു.
Post Your Comments