താരരാജാവിന്റെ അഭിനയം കാണാന്‍ കാത്തിരുന്ന പ്രതിഭാശാലിയായ നടിയെ ഓര്‍ത്ത് സത്യന്‍ അന്തിക്കാട്

മലയാള സിനിമയിലെ താരരാജാവായ മോഹന്‍ലാലിന്റെ അഭിനയം വെള്ളിത്തിരയില്‍ കണ്ട് അത്ഭുതപ്പെട്ടവരാണ് നാമെല്ലാം. വര്‍ഷങ്ങള്‍ ഏറെയായിട്ടും അഭിനയത്തില്‍ ഏറെ മികച്ചു നിന്ന നടനെ നമ്മള്‍ എന്നും അത്ഭുതത്തോടു കൂടി മാത്രമേ കാണാറുള്ളു. ഇത്ര മനോഹരമായി മോഹന്‍ലാല്‍ എങ്ങനെ അഭിനയിക്കുന്നു എന്നത് പ്രേക്ഷകരുടെ മാത്രമല്ല, അദ്ദേഹത്തോടോപ്പം ജോലി ചെയ്തിട്ടുള്ള സിനിമാ പ്രവര്‍ത്തകരുടേയും മനസ്സില്‍ ഉള്ള ഒരു ചോദ്യമാണ്.

ഇതിനിടെ മോഹന്‍ലാല്‍ അഭിനയിക്കുന്നത് കാണാന്‍ വേണ്ടി ഷീല ലൊക്കേഷനില്‍ നിന്നിരുന്ന സംഭവം വിവരിച്ചുകൊണ്ടാണ് സംവിധായകന്‍ സത്യന്‍ അന്തിക്കാട് രംഗത്തെത്തിയിരിക്കുന്നത്. ‘സ്‌നേഹവീട്’ എന്ന ചിത്രത്തിന്റെ ഷൂട്ടിംഗ് ദിനങ്ങളില്‍ അതിലെ നായികമാരില്‍ ഒരാളായ ഷീല, മോഹന്‍ലാല്‍ അഭിനയിക്കുന്നത് കാണാന്‍ വേണ്ടി ലൊക്കേഷനില്‍ നിന്നിരുന്നത് അദ്ദേഹം ഓര്‍ത്തെടുത്തത്. ‘ഉച്ച കഴിഞ്ഞേ ചേച്ചിയുടെ സീന്‍ എടുക്കുന്നുള്ളൂ. അതു വരെ മുറിയില്‍ വിശ്രമിച്ചോളൂ, എന്നു പറഞ്ഞാലും അതിരാവിലെ ഞങ്ങളെത്തും മുന്‍പ് ലൊക്കേഷനിലെത്തും. ചോദിച്ചാല്‍ പറയും, ‘മോഹന്‍ലാല്‍ അഭിനയിക്കുന്നത് കണ്ടു കൊണ്ട് നില്‍ക്കാമല്ലോ.’ ലാല്‍ സിനിമയെന്ന മാധ്യമത്തെക്കുറിച്ച് ചിന്തിച്ചിട്ടുപോലുമില്ലാത്ത കാലത്ത് അന്നത്തെ സൂപ്പര്‍ താരങ്ങള്‍ക്കൊപ്പം മത്സരിച്ചഭിനയിച്ച നടിയാണ്. പക്ഷേ, കൗതുകത്തോടെ, ആരാധനയോടെ മോഹന്‍ലാല്‍ അഭിനയിക്കുന്നതും നോക്കി നില്‍ക്കും.

https://www.facebook.com/sathyan.anthikad.official/photos/a.264421863745213/1083651631822228/?type=3&theater