‘ഷൂട്ട് ചെയ്തത് ഡിലീറ്റ് ചെയ്യണം. ഇല്ലെങ്കിൽ വാട്ടർ ടാങ്കിനു മുകളിൽ നിന്ന് ഞാൻ താഴേയ്ക്കു ചാടും.’ അന്ന് സംഭവിച്ചതിനെക്കുറിച്ച് നടി

മൈഡിയര്‍ കുട്ടിച്ചാത്തന്‍ എന്ന ചിത്രത്തിലെ അഭിനയത്തിലൂടെ ദേശീയ പുരസ്കാരം സ്വന്തമാക്കിയ താരമാണ് സോണിയ. ബാലതാര സിനിമയില്‍ എത്തിയ സോണിയ തെന്നിന്ത്യയിലെ തിരക്കുള്ള നടിമാരില്‍ ഒരാളാണ്. മരണത്തെ മുഖാമുഖം കണ്ട നിമിഷത്തെക്കുറിച്ച് ഒരു മാധ്യമത്തിനു നല്‍കിയ അഭിമുഖത്തില്‍ തുറന്നു പറയുന്നു.

നടന്‍ ബോസ് വെങ്കിട്ടനാണ് സോണിയയുടെ ഭര്‍ത്താവ്. വിവാഹം കഴിഞ്ഞ ആദ്യ നാളുകളിൽ ബോസ് സീരിയലുകളിൽ അഭിനയിച്ചു തുടങ്ങിയിട്ടേയുള്ളൂ. ആ സമയത്ത് തന്റെ ഭര്‍ത്താവ് എന്ന ലേബലില്‍ നിന്നും മാറി ബോസ് എന്ന താരത്തിന്റെ ഭാര്യയായി താന്‍ അറിയപ്പെടണം എന്ന ആഗ്രഹം ശക്തമായിരുന്നു. ബോസ്സിന് ആയിടയ്ക്ക് ഒരു സിനിമയിൽ നായകന്റെ വേഷം ലഭിച്ചു. പക്ഷെ ആ വേഷം കൈവിട്ടു പോകുന്ന ഒരു അവസരം ഉണ്ടായി. ആ ഒരു ക്രിട്ടിക്കല്‍ സമയത്ത് സംവിധായകന്റെ മുന്‍പില്‍ ആത്മഹത്യാ ഭീഷണി മുഴക്കിയതിനെ കുറിച്ചു സോണിയ പങ്കുവയ്ക്കുന്നു

” മുടി പറ്റെ വെട്ടിയ ലുക്ക് ആയിരുന്നു ചിത്രത്തിന് വേണ്ടിയിരുന്നത്. അത് പുറത്തു പോകരുതെന്ന് സംവിധായകനു നിർബന്ധവുമുണ്ടായിരുന്നു. പക്ഷേ , അതേ സമയം ബോസ് ഒരു സീരിയലിൽ അഭിനയിക്കുന്നുണ്ട് അതിന്റെ ക്ലൈമാക്സ് സീൻ ആണ് ഷൂട്ട് ചെയ്യുന്നത്. ആ ലുക്ക് പുറത്തു പോകാനും പാടില്ല, എന്നാൽ സീരിയലിന്റെ അവസാന എപ്പിസോഡിൽ അഭിനയിക്കുകയും വേണം. .

ഒടുവിൽ തൊപ്പി വച്ച് അഭിനയിക്കാമെന്ന് തീരുമാനിച്ചപ്പോള്‍ സീരിയലിന്റെ സംവിധായകൻ സമ്മതിച്ചില്ല. തൊപ്പിയില്ലാതെ തന്നെ അഭിനയിക്കേണ്ടി വന്നു. ആ ലുക്ക് പുറത്തായി. ഇനി തനിക്ക് ആ സിനിമയിൽ അഭിനയിക്കാനാകില്ലെന്ന സങ്കടത്തില്‍ ആയിരുന്നു ബോസ്. എനിക്കത് സഹിക്കാനായില്ല. ഒരു നിമിഷം മരണത്തെക്കുറിച്ച് ഞാനാലോചിച്ചു. മൊബൈലും എടുത്ത് ഞാൻ ടെറസ്സിനു മുകളിൽ കയറി. പിന്നെ, വാട്ടർ ടാങ്കിനു മേലെ കയറി. അവിടെ വച്ച് ആ സംവിധായകനെ വിളിച്ചു, ‘ഷൂട്ട് ചെയ്തത് ഡിലീറ്റ് ചെയ്യണം. എന്നിട്ട് തൊപ്പി വച്ച് വീണ്ടും ഷൂട്ട് ചെയ്യണം. ഇല്ലെങ്കിൽ വാട്ടർ ടാങ്കിനു മുകളിൽ നിന്ന് ഞാൻ താഴേയ്ക്കു ചാടും.’

തല കറങ്ങുന്നുണ്ടായിരുന്നു. പറ്റില്ല എന്നയാൾ‌ പറഞ്ഞാൽ ഉറപ്പായും താഴേയ്ക്ക് ചാടിയേനെ. അങ്ങനെയൊരു മനസ്സായിരുന്നു അപ്പോൾ. ഒടുവിൽ അവർ സമ്മതിച്ചു. ആ ഭാഗം വീണ്ടും ഷൂട്ട് ചെയ്തു. അന്നങ്ങനെ ചെയ്തത് തെറ്റോ ശരിയോ എന്നെനിക്കറിയില്ല. ” താരം കൂട്ടിച്ചേര്‍ത്തു