17മത് ലോക്സഭ തിരഞ്ഞെടുപ്പില്‍ വന്‍ വിജയം നേടി എംപി സ്ഥാനം നേടിയ ബംഗാളി നടിയാണ് നുസ്രത്ത് ജഹാന്‍. സംസ്ഥാനത്ത് ഇത്തവണ ഏറ്റവുമധികം ഭൂരിപക്ഷം നേടിയ രണ്ടാമത്തെ വ്യക്തികൂടിയാണ് നുസ്രത്ത് ജഹാന്‍. പശ്ചിമ ബംഗാളിലെ ബസീര്‍ഹട്ടില്‍ നിന്ന് മൂന്നരലക്ഷം വോട്ടുകള്‍ക്കായിരുന്നു നുസ്രത്ത് ജഹാന്‍ വിജയിച്ചത്.
വിജയം നേടിയ സന്തോഷത്തിന് പുറമെ മറ്റൊരു സന്തോഷം കൂടി താരം പങ്ക് വെച്ചിരിക്കുകയാണ്. താരം വിവാഹിതയാകാന്‍ പോകുന്നുവെന്ന സൂചനകളാണ് പങ്കുവെയ്ക്കുന്നത്. ഭാവി വരന്റെ കൈ പിടിച്ചു നില്‍ക്കുന്ന ചിത്രം നുസ്രത്ത് കഴിഞ്ഞ ദിവസം ഇന്‍സ്റ്റാഗ്രാമില്‍ പങ്കുവെച്ചിരുന്നു. ചിത്രത്തില്‍ നുസ്രത്തിന്റെ കൈയ്യില്‍ വിവാഹനിശ്ചയ മോതിരവും കാണാം. ബിസിനസുകാരനായ നിഖില്‍ ജെയ്നാണ് നുസ്രത്തിന്റെ ഭാവി വരനെന്നാണ് റിപ്പോര്‍ട്ടുകള്‍.
Post Your Comments