ദിലീപ് നായകനായി എത്തുന്ന പുതിയ ചിത്രമാണ് ശുഭരാത്രി. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തതോടെ നൂറ് ശതമാനം ഒരു കുടുംബ ചിത്രമായിരിക്കുമെന്നും 200 ശതമാനം ഫീല്‍ ഗുഡ് മൂവിയായിരിക്കുമെന്നും ദിലീപ് ഉറപ്പ് പറയുന്നു. ദിലീപിന്റെ ഔദ്യോഗിക ഫേസ്ബുക്ക് പേജിലൂടെ നടന്‍ തന്നെയാണ് ചിത്രത്തിന്റെ പോസ്റ്റര്‍ ഷെയര്‍ ചെയ്തിരിയ്ക്കുന്നത്.
ഒരു അസാധാരണ കഥ (An Unusual Story) എന്ന ടൈറ്റില്‍ ടാഗോടു കൂടിയാണ് പോസ്റ്റര്‍. ദിലീപിനൊപ്പം നായിക അനു സിത്താരയും സിദ്ദിഖും പോസ്റ്ററില്‍ നിറഞ്ഞു നില്‍ക്കുന്നു. ദിലീപ് അല്പം പ്രായക്കൂടുതലുള്ള കഥാപാത്രത്തെയാണ് അവതരിപ്പിയ്ക്കുന്നതെന്ന് പോസ്റ്ററിലെ ലുക്ക് കൊണ്ട് വ്യക്തം. ഒരു യഥാര്‍ത്ഥ സംഭവത്തെ ആസ്പദമാക്കിയുള്ള സിനിമയാണെന്നും പോസ്റ്ററില്‍ പറയുന്നുണ്ട്.
അബാം മൂവീസിന്റെ ബാനറില്‍ അരോമ മോഹന്‍ നിര്‍മിയ്ക്കുന്ന ചിത്രം സംവിധാനം ചെയ്യുന്നത് വൈശാഖന്‍ കെ പിയാണ്. അയാള്‍ ജീവിച്ചിരിപ്പുണ്ട് എന്ന ചിത്രം ചെയ്തതിലൂടെ ശ്രദ്ധേയനാണ് വൈശാഖന്‍.
Post Your Comments