ബാഹ്യ സൗന്ദര്യമല്ല; പെരുമാറ്റമാണ് ഒരാളുടെ വ്യക്തിത്വത്തെ നിര്‍ണയിക്കുന്നത്; മേക്കപ്പ് ഇല്ലാത്ത ചിത്രങ്ങള്‍ പങ്കുവെച്ച് കാജല്‍

മേക്കപ്പില്ലാതെ പൊതുയിടങ്ങളില്‍ പ്രത്യക്ഷപ്പെടാന്‍ മടികാണിക്കുന്നവരാണ് മിക്ക താരങ്ങളും. എന്നാല്‍ അവരില്‍ നിന്ന് വ്യത്യസ്തമായി മേക്കപ്പില്ലാത്ത തന്റെ ക്ലോസ് അപ്പ് ചിത്രം പങ്കുവെച്ചിരിക്കുകയാണ് കാജല്‍. ഇത് ഒരു വെല്ലുവിളി തന്നെയാണെന്ന് സമ്മതിച്ചാണ് കാജല്‍ ചിത്രം പങ്കുവെച്ചത്.

‘സൗന്ദര്യ വര്‍ദ്ധക ഉത്പ്പനങ്ങള്‍ക്കായി ഒത്തിരി പണം മുടക്കുന്നു. എന്നാല്‍ ബാഹ്യ സൗന്ദര്യമല്ല ഒരാളുടെ വ്യക്തിത്വത്തെ നിര്‍വചിക്കുന്നത്. അത് ഒരാളുടെ പെരുമാറ്റത്തെ ആശ്രയിച്ചാണ് നിലകൊള്ളുന്നത്.’ കാജല്‍ ചിത്രം പങ്കുവെച്ച് കുറിച്ചു. മിനിറ്റുകള്‍ക്കൊണ്ടാണ് കാജലിന്റെ ചിത്രം വൈറലായത്. കാജല്‍ ശരിക്കും സുന്ദരിയാണെന്നാണ് ആരാധകര്‍ പറയുന്നത്. തമിഴ് സിനിമയില്‍ അഭിനയിച്ചിട്ടുണ്ടെങ്കിലും തെലുങ്കിലാണ് കാജല്‍ സജീവമായിരിക്കുന്നത്. ഏറെ കാലത്തിന് ശേഷം കോളിവുഡിലേക്ക് തിരിച്ച് വന്നിരിക്കുകയാണ് കാജല്‍.