ആക്ഷന്‍ ഹീറോയിനായി വരലക്ഷ്മി; വീഡിയോ വൈറല്‍

തെന്നിന്ത്യയില്‍ നായികയായും വില്ലത്തിയായും തിളങ്ങുന്ന നടിയാണ് വരലക്ഷ്മി ശരത്കുമാര്‍. മമ്മൂട്ടിയുടെ നായികയായി കസബ എന്ന ചിത്രത്തിലൂടെയാണ് നടി മലയാളത്തിലേക്കും എത്തിയിരുന്നത്. കഴിഞ്ഞ വര്‍ഷം പുറത്തിറങ്ങിയ സണ്ടക്കോഴി 2, സര്‍ക്കാര്‍, മാരി 2 എന്നീ സിനിമകളിലെല്ലാം നടി ശ്രദ്ധേയ പ്രകടനം നടത്തിയിരുന്നു.

ചേസിങ് എന്ന് പേരിട്ട പുതിയ തമിഴ് ചിത്രത്തില്‍ ബൈക്കര്‍ ആയാണ് നടി എത്തുന്നത്. ചിത്രത്തിന്റെതായി പുറത്തിറങ്ങിയ ഒരു മേക്കിങ് വീഡിയോ സമൂഹ മാധ്യമങ്ങളില്‍ വൈറലായി മാറിയിരുന്നു. റോപുകളുടെ സഹായമില്ലാതെ ആക്ഷന്‍ രംഗം ചെയ്യുന്ന നടിയെയാണ് വീഡിയോയില്‍ കാണിക്കുന്നത്. വരലക്ഷ്മി തന്നെയായിരുന്നു ഈ വീഡിയോ ട്വിറ്ററില്‍ പങ്കുവെച്ചത്. യമുന ചിന്നദുരൈയാണ് ചിത്രം സംവിധാനം ചെയ്യുന്നത്. ബാല ശരവണന്‍, ജെറാള്‍ഡ്, സ്വിസ് രഘു തുടങ്ങിയവര്‍ ചിത്രത്തില്‍ അഭിനയിച്ചിരിക്കുന്നു.

https://twitter.com/varusarath/status/1133706144784850945?ref_src=twsrc%5Etfw%7Ctwcamp%5Etweetembed%7Ctwterm%5E1133706144784850945&ref_url=https%3A%2F%2Fmalayalam.filmibeat.com%2Ftamil%2Fvaralaxmi-sarathkumar-s-action-video-052851.html%3Futm_source%3DDH-MoreFromPub%26utm_medium%3DDH-app%26utm_campaign%3DDH