കെവി ആനന്ദിന്റെ സംവിധാനത്തില്‍ സൂര്യയും മോഹന്‍ലാലും ഒന്നിക്കുന്ന ചിത്രമാണ് കാപ്പാന്‍. ചിത്രത്തിന്റെ കേരള വിതരണാവകാശം മുളകുപാടം ഫിലിംസ് സ്വന്തമാക്കി. വന്‍ തുകയ്ക്കാണ് വിതരണാവകാശം നേടിയതെന്നാണ് സൂചന. ഓഗസ്റ്റ് 30നാണ് ചിത്രത്തിന്റെ ആഗോള റിലീസ്. പ്രധാനമന്ത്രിയായ ചന്ദ്രകാന്ത് വര്‍മ എന്ന കഥാപാത്രത്തെയാണ് കാപ്പാനില്‍ മോഹന്‍ലാല്‍ അവതരിപ്പിക്കുന്നത്.
പ്രധാനമന്ത്രിയുടെ സുരക്ഷാ ചുമതലയുള്ള എന്‍എസ്ജി കമാന്‍ഡോ ആയി സൂര്യയും എത്തുന്നു. സൂര്യ വ്യത്യസ്ത ലുക്കുകളില്‍ ചിത്രത്തില്‍ എത്തുന്നുണ്ട്. ആര്യയാണ് വില്ലന്‍ വേഷത്തില്‍ എത്തുന്നത്. സയേഷയാണ് നായിക. ചെന്നൈ,ഡെല്‍ഹി, കുളു മണാലി, ലണ്ടന്‍, ന്യൂയോര്‍ക്ക്, ബ്രസീല്‍ എന്നിവിടങ്ങളിലായി ചിത്രത്തിന്റെ ഷൂട്ടിംഗ് പൂര്‍ത്തിയാക്കിയിരുന്നു. 100 കോടി ചെലവില്‍ ലൈക പ്രൊഡക്ഷന്‍സാണ് ചിത്രം നിര്‍മിക്കുന്നത്.
Post Your Comments