മിനിസ്‌ക്രീന്‍ പ്രേക്ഷകരുടെ പ്രിയക്രരിയാണ് സീത എന്ന സ്വാസിക. ഫ്‌ളവേഴ്‌സിലെ സീത എന്ന സീരിയലിലെ ടൈറ്റില്‍ കഥാപാത്രമാണ് സ്വാസിക. സീരിയലിനൊപ്പം സിനിമയിലും ഒരേ സമയം തിളങ്ങുന്നയാളും കൂടിയാണ് സ്വാസിക. ഷെയിന്‍ നിഗം നായകനായ ഇഷ്‌കിലും താരം സുപ്രധാന വേഷം ചെയ്തിട്ടുണ്ട്. ഇതിന് പിന്നാലെയായി മോഹന്‍ലാല്‍ ചിത്രമായ ഇട്ടിമാണി മേഡ് ഇന്‍ ചൈനയിലും താരം അഭിനയിക്കുന്നുണ്ട്. മോഹന്‍ലാലിനൊപ്പമുള്ള ലൊക്കേഷന്‍ ചിത്രങ്ങളും സോഷ്യല്‍ മീഡിയയിലൂടെ വൈറലായിരുന്നു.
നവാഗതനായ ജിബിയും ജോജുവും ചേര്‍ന്നാണ് ചിത്രം സംവിധാനം ചെയ്യുന്നത്. എന്നാല്‍, താരം സിനിമയില്‍ തിരക്കുള്ള നായികയായി വരികയാണോന്ന് ആരാധകര്‍ ചോദിച്ചു തുടങ്ങി. സിനിമയില്‍ നിന്നും നല്ല ഓഫറുകള്‍ വരുമ്പോള്‍ താരം സീരിയല്‍ പൂര്‍ണമായും ഒഴിവാക്കുമോയെന്നും പ്രേക്ഷകര്‍ ചോദിക്കുന്നുണ്ട്. സീത സീരിയലിന്റെ നട്ടെല്ല് തന്നെ സ്വാസികയാണ്. നായികയില്ലാതെ കഥ മുന്നോട്ട് കൊണ്ടുപോകാനാകില്ല. സീരിയലും സിനിമയും ഒരുമിച്ച് തന്നെ മുന്നോട്ട് കൊണ്ടുപോകണമെന്നാണ് ഫാന്‍സ് പറയുന്നത്.
Post Your Comments