ഡബ്ബിംഗ് ആര്‍ട്ടിസ്റ്റ് എന്ന നിലയിലാണ് തിലകന്റെ മകന്‍ ഷമ്മി തിലകന് പ്രേക്ഷകര്‍ക്കിടയില്‍ സ്വീകാര്യത നേടിയെടുത്തത്, ചുരുക്കം ചില സിനിമകളില്‍ നായകനായും നിരവധി സിനിമകളില്‍ പ്രതിനായക വേഷത്തിലെത്തിയും ഷമ്മി തിലകന് അഭിനേതാവ് എന്ന നിലയിലും കൈയ്യടി നേടി.
‘ദേവാസുരം’ എന്ന ചിത്രത്തിലെ മുണ്ടയ്ക്കല്‍ ശേഖരന്‍ എന്ന കഥാപാത്രത്തിന് ഷമ്മി ശബ്ദം നല്‍കിയതോടെ പിന്നീടു സ്ക്രീനിനു മുന്നിലും ഷമ്മി തിലകന്റെ പ്രസന്‍സ് ശ്രദ്ധേയമായി, നിരവധി സിനിമകളില്‍ ശക്തനായ പ്രതിനായ കഥാപാത്രത്തെ അവതരിപ്പിച്ച ഷമ്മി തിലകന് ശരിക്കും ഞെട്ടിപ്പോയത് പ്രജ എന്ന ചിത്രത്തിലെ വില്ലന്‍ വേഷം ചെയ്യാന്‍ വിളിച്ചപ്പോഴാണ്.
പ്രജ എന്ന ചിത്രത്തിലെ വില്ലന്‍ വേഷം ചെയ്യാന്‍ വിളിച്ചപ്പോഴുണ്ടായ അനുഭവത്തെക്കുറിച്ച് ഷമ്മി തിലകന് പറഞ്ഞത് ഇപ്രകാരമാണ്…
ജോഷി സാര്‍ വിളിച്ചപ്പോള്‍ ശരിക്കും അതിശയിച്ചു, മോഹന്‍ലാലിന് എതിരായി എന്നെപ്പോലെയൊക്കെ ഒരുത്തനെ ആരേലും കാസ്റ്റ് ചെയ്യുമോ എന്ന് ചിന്തിച്ചിരുന്നു.
എല്ലാത്തരം വേഷങ്ങളും ചെയ്യണമെന്നാണ് മനസ്സില്‍ അല്ലാത്ത ഒരാളെ നടന്‍ എന്ന് വിളിക്കാന്‍ സാധിക്കില്ല, പ്രതിനായക കഥാപാത്രങ്ങളും കോമഡി വേഷങ്ങളും താന്‍ ആസ്വദിച്ചാണ് ചെയ്തിട്ടുള്ളതെന്നും ഷമ്മി തിലകന് പറയുന്നു.
പ്രേം നസീറിന് ഉള്‍പ്പടെയുള്ള നടന്മാര്‍ക്ക് വേണ്ടി ഡബ്ബ് ചെയ്തപ്പോഴും സ്വന്തം ശബ്ദമാണ് താന്‍ കൊടുക്കാന്‍ ശ്രമിക്കുന്നതെന്നും ശബ്ദം കൊടുക്കുന്ന താരത്തിന്റെ സംസാര ശൈലി തന്റെ സംസാരവുമായി കൂട്ടിയോജിപ്പിക്കുകയാണ് ചെയ്യുന്നതെന്നും ഷമ്മി തിലകന് പറയുന്നു.
ജോഷിയാണ് അഭിനേതാവ് എന്ന നിലയില്‍ ഷമ്മി തിലകന് അഭിനയ പ്രാധാന്യമുള്ള കഥാപാത്രങ്ങള്‍ നല്‍കിയത്, പ്രജ മുതലുള്ള ജോഷിയുടെ ഭൂരിഭാഗം സിനിമകളിലും ഷമ്മി തിലകന് ശ്രദ്ധേയമായ വേഷം അവതരിപ്പിച്ചിട്ടുണ്ട്. .
Post Your Comments