ലൂസിഫറില്‍ നിന്ന് നീക്കം ചെയ്ത രംഗം പുറത്ത് വിട്ട് സംവിധായകന്‍

ലൂസിഫറില്‍ നിന്ന് നീക്കം ചെയ്ത രംഗം പുറത്ത് വിട്ട് സംവിധായകനും നടനുമായ പൃഥ്വിരാജ്. ലാലേട്ടന്റെ പിറന്നാള്‍ ദിനത്തിലാണ് ഈ സീന്‍ പുറത്തുവിട്ടിരിക്കുന്നത് എന്നതാണ് മറ്റൊരു പ്രത്യേകത. ബുള്ളറ്റില്‍ കൂളിങ് ഗ്ലാസ് ധരിച്ചെത്തുന്ന മോഹന്‍ലാലിന്റെ മാസ് രംഗമാണിത്. മോഹന്‍ലാല്‍ എന്ന കലാകാരനെ മലയാളികള്‍ കാണാന്‍ ആഗ്രഹിച്ച രീതിയില്‍ സമ്മാനിക്കാന്‍ പൃഥ്വിക്ക് കഴിഞ്ഞു. എന്തിന് ഇത് സിനിമയില്‍ നിന്ന് ഒഴിവാക്കിയെന്നാണ് ആരാധകര്‍ പരിഭവിക്കുന്നത്. തങ്ങള്‍ ആരാധകര്‍ക്ക് കിട്ടാവുന്നതില്‍ വച്ചേറ്റവും വലിയ സമ്മാനം നല്‍കിയതിന് പൃഥ്വിക്ക് നന്ദി പറയുന്നുമുണ്ട്.

https://www.facebook.com/PrithvirajSukumaran/videos/2354190191520645/?v=2354190191520645

ചിത്രത്തില്‍ സ്റ്റീഫന്‍ നെടുമ്പള്ളി എന്ന കഥാപാത്രമായാണ് ലാലേട്ടന്‍ അഭിനയിച്ചത്. മഞ്ജുവാര്യരാണ് ലൂസിഫറിലെ നായിക. ടോവിനോ തോമസ്, സായി കുമാര്‍, ഇന്ദ്രജിത്ത്, കലാഭവന്‍ ഷാജോണ്‍, സാനിയ അയ്യപ്പന്‍, ബോളിവുഡ് താരം വിവേക് ഒബ്റോയ് തുടങ്ങി നിരവധി താരങ്ങളും ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നുണ്ട്. മുരളി ഗോപിയാണ് ചിത്രത്തിന് തിരക്കഥ ഒരുക്കുന്നതും. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രത്തിന്റെ നിര്‍മ്മാണം.