അലി അബ്ബാസ് സഫര്‍ സംവിധാനം ചെയ്യുന്ന ചിത്രമാണ് ഭാരത്. ഈ ചിത്രത്തിലൂടെ സല്‍മാന്‍ ഖാനും കത്രീന കൈഫും വീണ്ടും ഒന്നിച്ചെത്തുകയാണ്. പുറത്തുവന്ന ചിത്രത്തിന്റെ ട്രെയിലറും ഗാനവുമെല്ലാം ഇതിനോടകം മികച്ച പ്രതികരണം നേടിക്കഴിഞ്ഞു. സിനിമയിലെ കത്രീനയുടെ പ്രകടനത്തെ അഭനന്ദിച്ചുകൊണ്ടായിരുന്നു സല്‍മാന്റെ പ്രതികരണം. ഭാരതിലെ അഭിനയത്തിന് കത്രീനയ്ക്ക് ദേശീയ പുരസ്‌കാരം ലഭിക്കാന്‍ സാധ്യതയുണ്ടെന്നായിരുന്നു സല്‍മാന്റെ വാക്കുകള്‍. ഇതിനെതിരെ കത്രീന പ്രതികരിച്ചതാണ് ഇപ്പോള്‍ വൈറലാകുന്നത്.
‘ഇതൊരു വലിയ യാത്ര തന്നെയായിരുന്നു. അതുകൊണ്ട് ഈ സിനിമയുമായി ചേര്‍ന്ന് പ്രവര്‍ത്തിച്ചവര്‍ക്കെല്ലാം നമ്മള്‍ ഈ സിനിമയ്ക്ക് വേണ്ടി ഇട്ട സ്നേഹവും പ്രയത്നവുമൊക്കെ മനസ്സിലാകും. എല്ലാവരും അവരുടെ ഹൃദയവും ആത്മാവും സമര്‍പ്പിച്ച് ചെയ്ത ചിത്രമാണ് ഇത്. ഞാനും അലിയും ഈ കഥാപാത്രത്തിനായി എടുത്ത കഷ്ടപാടുകളും ഈ കഥാപാത്രത്തെ എനിക്കും സിനിമയ്ക്കും യോജിക്കുന്ന തരത്തിലാക്കിയെടുക്കാന്‍ നടത്തിയ പരിശ്രമവുമെല്ലാം കണ്ട വ്യക്തിയാണ് സല്‍മാന്‍’, സല്‍മാന്റെ അഭിപ്രായത്തോട് പ്രതികരിച്ച് കത്രീന പറഞ്ഞു.
Post Your Comments