മലയാളത്തിലെ മുന്‍ നിര തിരക്കഥാകൃത്തുക്കളില്‍ ശ്രദ്ധേയരായ വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ്ജ് ടീം തന്റെ അടുത്ത സിനിമ ഏതെന്ന രീതിയില്‍ ചെറിയ സൂചന നല്‍കിയിരിക്കുകയാണ്, മൂന്നു ചിത്രങ്ങള്‍ക്ക് രചന നിര്‍വഹിച്ച വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ്ജ് ടീം ഒരു മോഹന്‍ലാല്‍ സിനിമ വൈകാതെ ചെയ്യുമെന്നുള്ള പ്രതീക്ഷയാണ് പങ്കുവയ്ക്കുന്നത്, മോഹന്‍ലാലിനോട് തിരക്കഥയെക്കുറിച്ച് സൂചിപ്പിച്ചിട്ടില്ലെങ്കിലും അങ്ങനെയൊരു സ്വപ്ന സിനിമ അധികം താമസിയാതെ നടക്കുമെന്നാണ് വിഷ്ണു ഉണ്ണികൃഷ്ണന്‍റെ തുറന്നു പറച്ചില്‍, ഇട്ടിമാണി എന്ന ചിത്രത്തിലൂടെ വീണ്ടും ഹാസ്യത്തിന്റെ റൂട്ടില്‍ തിരിച്ചെത്തുന്ന മോഹന്‍ലാല്‍ പുതു തലമുറയുമായി കൈകോര്‍ക്കുമ്പോള്‍ പ്രതീക്ഷകള്‍ ഏറെയാണ്‌, അത് കൊണ്ട് തന്നെ വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ്ജ് ടീമിന്റെ തിരക്കഥയില്‍ മോഹന്‍ലാല്‍ ഹാസ്യ പ്രധാനമായ റോളില്‍ അഭിനയിച്ചു തകര്‍ക്കുമെന്നാണ് ആരാധകരുടെ പ്രതീക്ഷ, ഹലോ, ചോട്ടാ മുംബൈ പോലെ ഒരു പക്കാ കോമഡി എന്റര്‍ടെയ്ന്‍മെന്റ് സിനിമയാകും വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ്ജ് ടീം മോഹന്‍ലാലാലിനായി കരുതി വച്ചിരിക്കുക.
ദുല്‍ഖര്‍ സല്‍മാന്‍ നായകനായ ഒരു യമണ്ടന്‍ പ്രേമകഥയാണ് വിഷ്ണു ഉണ്ണികൃഷ്ണന്‍ ബിബിന്‍ ജോര്‍ജ്ജ് ടീമിന്റെ തിരക്കഥയില്‍ പുറത്തിറങ്ങിയ ഒടുവിലത്തെ ചിത്രം, ഭേദപ്പെട്ട അഭിപ്രായം നേടിയെടുക്കുന്ന ചിത്രം ബോക്സോഫീസില്‍ വിജയ ചിത്രമായി മുന്നേറുകയാണ്, അമര്‍ അക്ബര്‍ അന്തോണി, കട്ടപ്പനയിലെ ഹൃത്വിക് റോഷന്‍ എന്നിവയാണ് ഇവര്‍ തിരക്കഥയെഴുതിയ മറ്റു ചിത്രങ്ങള്‍.
Post Your Comments