വളരെ തന്ത്രപരമായി ഒരു വീഡിയോയാണിത്; സ്വര ഭാസ്കര്‍

സ്വയംഭോഗ രംഗത്തിന്റെ പേരില്‍ ധാരാളം വിമര്‍ശനത്തിനു ഇരയായ ബോളിവുഡ് താര സുന്ദരിയാണ് സ്വര ഭാസ്കര്‍. സ്വന്തം രാഷ്ട്രീയം വ്യക്തമാക്കുകയും നിലപാടുകള്‍ തുറന്നു പറയുകയും ചെയ്യുന്ന സ്വര കേന്ദ്ര ഗവണ്‍മെന്റിനെ പലപ്പോഴും വിമര്‍ശിക്കാറുമുണ്ട്. കഴിഞ്ഞ ദിവസം എയര്‍പോര്‍ട്ടില്‍ വെച്ചുണ്ടായ ഒരു സംഭവത്തെക്കുറിച്ച്‌ സ്വര വെളിപ്പെടുത്തുന്നു.

തന്റെയടുത്ത് സെല്‍ഫി എടുക്കാന്‍ എത്തിയ യുവാവിനെക്കുറിച്ചാണ് താരത്തിന്റെ ട്വീറ്റ്. “ഒരു യുവാവ് എയര്‍പോര്‍ട്ടില്‍ വെച്ച്‌ എന്നോട് സെല്‍ഫിയെടുത്തോട്ടെയെന്ന് ചോദിച്ചു. ഞാന്‍ സമ്മതിച്ചു. കാരണം ജനങ്ങളെ രാഷ്ട്രീയത്തിന്‍റെ പേരില്‍ ഞാന്‍ വേര്‍തിരിച്ച്‌ കാണാറില്ല. എന്നാല്‍ അയാള്‍ വളരെ തന്ത്രപരമായി ഒരു വീഡിയോയാണ് എടുത്തത്. എനിക്ക് അത്ഭുതം തോന്നുന്നു. ഭക്തന്മാരുടെ യഥാര്‍ത്ഥമുഖമാണ് അയാള്‍ കാണിച്ചത്’. എന്നായിരുന്നു സ്വര കുറിച്ചത്. ഇതിനൊപ്പം മറ്റൊരാള്‍ ട്വീറ്റ് ചെയ്ത വീഡിയോയും സ്വര ഉള്‍പ്പെടുത്തിയിട്ടുണ്ട്.

വീഡിയോയില്‍ ‘മാം പക്ഷേ പിഎം മോദി വീണ്ടും അധികാരത്തില്‍ വരും’ എന്നാണ് യുവാവ് പറയുന്നത്.

A guy asks for a selfie @ airport; I oblige ‘coz I don’t discriminate people who want selfies based on their politics. He sneakily shoots a video. Tacky & underhand tactics r trademarks of bhakts. I’m unsurprised. But always glad 2 make bhakts feel like their lives are worthwhile https://t.co/bKyFEOKZQh

— Swara Bhasker (@ReallySwara) May 8, 2019