മലയാള സിനിമാ ലോകത്തെ പ്രശസ്ത താരമാണ് ഭാവന. നിരവധി നല്ല കഥാപാത്രങ്ങള്‍ മലയാളത്തിന് സമ്മാനിച്ച ഈ നടി മലയാളികള്‍ക്ക് പ്രിയങ്കരിയാണ്. മലയാളത്തില്‍ തുടക്കം കുറിച്ച നടി വൈകാതെ തമിഴിലും തെലുങ്കിലും കന്നഡത്തിലുമൊക്കെയായി തകര്‍ത്തഭിനയിച്ചു. വിവാഹത്തോടെ സിനിമാ ജീവിതത്തില്‍ നിന്നും വിട്ടുനിന്ന ഭാവന വീണ്ടും അഭിനയജീവിതത്തിലേക്ക് തിരിച്ചെത്തിയിരിക്കുകയാണ്.
സൂപ്പര്‍ഹിറ്റ് ചിത്രം 96ന്റെ കന്നഡ റീമേക്കായ 99ലൂടെയാണ് ഭാവനയുടെ രണ്ടാംവരവ്. മലയാള സിനിമാ രംഗത്തേക്കുള്ള തിരിച്ചുവരവിനെക്കുറിച്ച് പറയുകയാണ് ഭാവന. ‘മലയാളത്തില്‍ നിന്നും നല്ല ഓഫറുകള്‍ വരുന്നുണ്ട്. പക്ഷെ ആദം ജോണിന് ശേഷം ഞാന്‍ ഒരു പടവും കമ്മിറ്റ് ചെയ്തിട്ടില്ല. കന്നഡയില്‍ കമ്മിറ്റ് ചെയ്ത കുറച്ച് സിനിമകളുണ്ട്. അത് തീര്‍ത്തതിനു ശേഷം മാത്രമേ മലയാളത്തിനെക്കുറിച്ച് ആലോചിക്കുന്നുള്ളൂ’ ഭാവന പറഞ്ഞു.
Post Your Comments