ലൂസിഫര്‍ മോഹന്‍ലാലിന്റെ കരിയറിലെ ഏറ്റവും ഹിറ്റ് ചിത്രമായി മാറിയിരിക്കുകയാണ്. ബോക്സോഫീസില്‍ വന്‍ ഹിറ്റ് ചിത്രമായ ലൂസിഫര്‍ ഇരുന്നൂറ് കോടിയ്ക്ക് അടുത്ത് കളക്ഷന്‍ നേടിയ സിനിമ റിലീസിനെത്തി അമ്പത് ദിവസങ്ങളിലേക്ക് കടക്കുകയാണ്. അടുത്തതായി മോഹന്‍ലാലിനെ നായകനാക്കി സിദ്ദിഖ് സംവിധാനം ചെയ്യുന്ന ചിത്രമാണ് ബിഗ് ബ്രദര്‍. ജിബി-ജോജു കൂട്ടുകെട്ടിലെത്തുന്ന ഇട്ടിമാണി മേഡ് ഇന്‍ ചൈന എന്നീ ചിത്രങ്ങളുടെ ഷൂട്ടിംഗ് ഒന്നിച്ചാണ് ആരംഭിച്ചത്.
ആക്ഷനും കോമഡിയ്ക്കും പ്രധാന്യം നല്‍കി ഒരുക്കുന്ന ചിത്രത്തില്‍ ആസിഫ് അലിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. മോഹന്‍ലാലിന്റെ സഹോദര വേഷത്തിലായിരിക്കും ആസിഫ് അഭിനയിക്കുന്നതെന്നാണ് സൂചന. നേരത്തെ റെഡ് വൈന്‍ എന്ന ചിത്രത്തില്‍ ഇരുവരും ഒന്നിച്ച് അഭിനയിച്ചിരുന്നു. ആസിഫ് അലി മാത്രമല്ല തെന്നിന്ത്യന്‍ സൂപ്പര്‍ നായിക സാമന്തയും ചിത്രത്തിലുണ്ടാവുമെന്ന് ചില റിപ്പോര്‍ട്ടുകള്‍ പ്രചരിക്കുന്നുണ്ട്. ബിഗ് ബജറ്റിലൊരുക്കുന്ന ഈ ചിത്രം വൈശാഖ് സിനിമാസ്, എസ് ടാക്കീസ്, നിക്ക് എന്നിവര്‍ ചേര്‍ന്നാണ് നിര്‍മാണം. മോഹന്‍ലാല്‍-സിദ്ദിഖ് കൂട്ടുകെട്ടില്‍ പിറക്കുന്ന മൂന്നാമത്തെ ചിത്രമാണ് ബിഗ് ബ്രദര്‍. മലയാളത്തിലെ എക്കാലത്തെയും ഹിറ്റ് സിനിമയായിരുന്ന വിയറ്റ്‌നാം കോളനി എന്ന ചിത്രത്തിലൂടെയായിരുന്നു ഇരുവരും ആദ്യമായി ഒന്നിക്കുന്നത്.
Post Your Comments