ഇരുപത് വര്‍ഷത്തെ ഇടവേളയ്ക്ക് ശേഷം നടന്‍ റിയാസ് മലയാളത്തിലേയ്ക്ക് തിരിച്ചെത്തുകയാണ്. വിനയന്‍ ഒരുക്കിയ സൂപ്പര്‍ഹിറ്റ് ചിത്രം ആകാശ ഗംഗയിലൂടെ മലയാളത്തിലേയ്ക്ക് എത്തിയ താരമാണ് റിയാസ്. ചിത്രം വന്‍ വിജയമായെങ്കിലും റിയാസിന് മികച്ച വേഷങ്ങള്‍ ഒന്നും തന്നെ പിന്നീട് ലഭിച്ചില്ല. അതിനെക്കുറിച്ച് റിയാസ് ഒരു സ്വകാര്യ മാധ്യമത്തിനു നല്‍കിയ അഭിമുഖത്തില്‍ തുറന്നു പറയുന്നു.
”ആകാശഗംഗ സൂപ്പര്‍ഹിറ്റായി. എന്നെപ്പോലൊരാള്‍ക്ക് സ്വപ്‌നം കാണുന്നതിലും അപ്പുറമായിരുന്നു അത്. എന്നാല്‍ ഒരു നടന്‍ എന്ന നിലയിലുള്ള മാര്‍ക്കറ്റിങ് സ്ട്രാറ്റജി എനിക്ക് അറിയില്ലായിരുന്നു. അതില്‍ എനിക്കൊരു വീഴ്ച വന്നു. ആകാശഗംഗയ്ക്ക് ശേഷം ഞാന്‍ ഒരുപാട് സംവിധായകരെ സമീപിച്ചിട്ടുണ്ട്. അവരത് ഓര്‍ക്കുന്നുണ്ടാവില്ല. അതിനിടെ ഞാന്‍ എടുത്തുചാടി ചെയ്ത ഒന്ന് രണ്ട് പ്രൊജക്ടുകള്‍ വന്‍ പരാജയമായി മാറി. അങ്ങനെ ഒരുപാട് കാലം പോയി. വിവാഹത്തിനുശേഷം ഞാന്‍ ജീവിതമാര്‍ഗത്തിനായി ബിസിനസ്സിലേക്ക് തിരിഞ്ഞു”
ആകാശഗംഗയുടെ രണ്ടാംഭാഗം വരുമെന്നും അതില്‍ അവസരം ലഭിക്കുമെന്നും ചിന്തിച്ചിരുന്നില്ലെന്നും റിയാസ് പറയുന്നു.” രണ്ട് മാസം മുന്‍പാണ് വിനയന്‍ ചേട്ടന്‍ വിളിച്ച് ആകാശഗംഗയുടെ കാര്യം പറയുന്നത്. ഞാന്‍ ഞെട്ടിപ്പോയി. അതൊരു വലിയ ഭാഗ്യമാണ്. ദൈവാനുഗ്രഹമാണ്- റിയാസ് കൂട്ടിച്ചേര്‍ത്തു
Post Your Comments