‘കുട്ടിമാമ ഞാന്‍ ഞെട്ടിമാമ’ എന്ന യോദ്ധയിലെ ജഗതിയുടെ സംഭാഷണം മലയാളികള്‍ ഇന്നും പല സന്ദര്‍ഭങ്ങളിലും ഏറ്റുപറയുന്നുണ്ട്, ഇപ്പോഴിതാ തന്റെ പുതിയ ചിത്രത്തിന് ‘കുട്ടിമാമ’ എന്ന് പേരിട്ടുകൊണ്ട് പ്രേക്ഷകരെ ഞെട്ടിക്കാന്‍ ഒരുങ്ങുകയാണ് മലയാളത്തിന്റെ കുടുംബ സംവിധായകന്‍ വിഎംവിനു.
മകന്റെ അച്ഛന്‍ എന്ന ചിത്രത്തിന് ശേഷം വിംഎം വിനു ശ്രീനിവാസനുമായി ചേര്‍ന്ന് ഒരുക്കുന്ന ചിത്രത്തിന്റെ ഫസ്റ്റ്ലുക്ക് പോസ്റ്റര്‍ ദിലീപ് തന്റെ ഫേസ്ബുക്ക് പേജിലൂടെ പുറത്തുവിട്ടു.
ശ്രീനിവാസനും മകന്‍ ധ്യാന്‍ ശ്രീനിവാസനുമാണ് ചിത്രത്തിലെ പ്രധാന താരങ്ങള്‍, മകന്റെ അച്ഛനില്‍ വിനീത് ശ്രീനിവാസനും ശ്രീനിവാസനുമായിരുന്നു പ്രമുഖ താരങ്ങളെങ്കില്‍ കുട്ടിമാമയില്‍ ശ്രീനിവാസനും രണ്ടാമത്തെ മകന്‍ ധ്യാനുമാണ് പുതിയ വേഷപകര്‍ച്ചയുമായി ബിഗ്സ്ക്രീനിലെത്തുന്നത്. മനാഫ് തിരക്കഥയെഴുതിയ ചിത്രത്തിന് വിഎം വിനുവിന്റെ മകന്‍ വരുണാണ് ചായാഗ്രഹണം നിര്‍വ്വഹിക്കുന്നത്. തന്മാത്ര എന്ന ചിത്രത്തിലൂടെ ശ്രദ്ധേയായ നടി മീര വാസുദേവ് ഒരിടവേളയ്ക്ക് ശേഷം മടങ്ങിയെത്തുന്ന ചിത്രം കൂടിയാണ് കുട്ടിമാമ. ദുര്‍ഗ്ഗ കൃഷ്ണയാണ് ചിത്രത്തിലെ മറ്റൊരു നായിക. ഗോകുലം മൂവിസിന്റെ ബാനറില്‍ ഗോകുലം ഗോപാലന്‍ നിര്‍മ്മിക്കുന്ന ചിത്രത്തില്‍ സന്തോഷ് കീഴാറ്റൂര്‍, പ്രേംകുമാര്‍, ശശി കലിംഗ ,കലാഭവന്‍ റഹ്മാന്‍ എന്നിവരും വേഷമിടുന്നു.
Post Your Comments