ശക്തമായ പ്രതിനായക കഥാപാത്രങ്ങളിലൂടെ പ്രേക്ഷകരെ വിസ്മയിപ്പിച്ച അതുല്യ പ്രതിഭയാണ് എന്‍എഫ് വര്ഗീസ്, ശരീര ഭാഷകൊണ്ടും ശബ്ദ ഗാംഭീര്യം കൊണ്ട് മലയാള സിനിമയില്‍ വേറിട്ട്‌ നിന്ന നടന സൗകുമാര്യം, കലാകാരന്മാര്‍ക്ക് മരണമില്ല എന്ന പദം അന്വര്‍ത്ഥമാക്കി കൊണ്ട് ഇന്നും സിനിമാ പ്രേമികളുടെ മനസ്സിലെ ആരാധനപാത്രമായി നിലകൊള്ളുന്ന എന്‍എഫ് വര്ഗീസ് മലയാള സിനിമയില്‍ വീണ്ടും പ്രകാശിതമാകുകയാണ്.
എന്‍എഫ് വര്ഗീസിന്റെ പേരില്‍ പുതിയ സിനിമാ നിര്‍മ്മാണ കമ്പനിക്ക് തുടക്കം കുറിച്ചു കൊണ്ടാണ് അദ്ദേഹത്തിന്റെ കുടുംബാംഗങ്ങള്‍ മലയാള സിനിമയുടെ ഓര്‍മ്മകളില്‍ എന്‍എഫ് വര്ഗീസ് എന്ന നാമം വീണ്ടും എഴുതി ചേര്‍ക്കുന്നത്. എന്‍. എഫ് വര്ഗീസ് പിക്‌ചേഴ്‌സ് എന്ന നിര്‍മ്മാണ സംരഭത്തിന്റെ പേര് നടി മഞ്ജു വാര്യരാണ് തന്റെ ഒഫീഷ്യല്‍ ഫെയ്‌സ്ബുക്ക് പേജിലൂടെ പ്രേക്ഷകരെ അറിയിച്ചത്. എന്‍. എഫ് വര്ഗീസ് പിക്‌ചേഴ്‌സ് നിര്‍മ്മിക്കുന്ന ചിത്രത്തിന്‍റെ പ്രഖ്യാപനം അധികം വൈകാതെ തന്നെയുണ്ടാകും. ഒട്ടേറെ ചിത്രങ്ങളിൽ അദ്ദേഹത്തോടൊപ്പം ഒന്നിച്ചഭിനയിക്കാന്‍ സാധിച്ചെന്നും,വർഗീസേട്ടന്റെ ഓർമ്മയ്ക്കായുള്ള പുതിയ നിര്‍മ്മാണ സംരംഭത്തിന് എല്ലാവിധ ആശംസകളും നേരുന്നതായി മഞ്ജു വാര്യര്‍ ഫേസ്ബുക്ക് പോസ്റ്റില്‍ വ്യക്തമാക്കി.
ശക്തമായ കഥാപാത്രങ്ങളിലൂടെ ഇന്നും നമ്മുടെ മനസ്സുകളിൽ ജീവിക്കുന്ന പ്രതിഭയാണ് ശ്രീ എൻ.എഫ്.വർഗീസ്. ഒട്ടേറെ ചിത്രങ്ങളിൽ അദ്ദേഹത്തോടൊപ്പം ഒന്നിച്ചഭിനയിക്കാനും കഴിഞ്ഞു. അകാലത്തിൽ നമ്മളെ വിട്ടു പിരിഞ്ഞ പ്രിയപ്പെട്ട വർഗീസേട്ടന്റെ ഓർമ്മയ്ക്കായി അദ്ദേഹത്തിന്റെ കുടുംബാംഗങ്ങൾ ആരംഭിക്കുന്ന ഈ പുതിയ നിർമ്മാണസംരംഭത്തിന് എല്ലാവിധ ആശംസകളും നേരുന്നു. ഈ കൂട്ടായ്മയിൽ ഒരുപാട് നല്ല സിനിമകൾ നമുക്ക് കാണാൻ സാധിക്കട്ടെ! ഏവർക്കും വിഷു ആശംസകൾ!
Post Your Comments