തനുശ്രീ ദത്ത ബോളിവുഡിലേയ്ക്ക് കൊണ്ട് വന്ന മീ ടു മുന്നേറ്റം മലയാളത്തിലും അലയൊലികള്‍ സൃഷ്ടിച്ചിരുന്നു. ഇപ്പോഴിതാ മീ ടൂ മുന്നേറ്റത്തെക്കുറിച്ച് സംസാരിച്ച ബോളിവുഡ് താരം പ്രിയങ്ക ചോപ്ര എപ്പോഴെങ്കിലും ലൈംഗിക പീഡനത്തിന് ഇരയായിട്ടുണ്ടായിരുന്നോ എന്ന ചോദ്യത്തിനു മറുപടി നല്‍കുന്നു. വുമൺ ഇൻ വേൾഡ് സമ്മിറ്റ് 2019 ൽ പങ്കെടുത്തപ്പോഴാണ് പ്രിയങ്കയ്ക്ക് ഈ ചോദ്യം നേരിടേണ്ടി വന്നത്.
മീ ടൂ മുന്നേറ്റം ഹോളിവുഡിലും ബോളിവുഡിലും വൻ മാറ്റങ്ങളാണ് സൃഷ്ടിച്ചിരിക്കുന്നതെന്നും പരസ്പരമുള്ള പിന്തുണകൊണ്ടാണ് പീഡനങ്ങളെക്കുറിച്ച് തുറന്നു പറയാൻ കഴിയുന്നതെന്നും. അതു പറയുന്നവരുടെ വായ മൂടാൻ മറ്റുള്ളവർ ശ്രമിക്കാത്തതെന്നും പ്രിയങ്ക പറയുന്നു. ”സ്വന്തം അനുഭവങ്ങൾ തുറന്നു പറയാൻ മുന്നോട്ടു വരുന്ന സ്ത്രീകളുടെ എണ്ണം തന്നെയാണ് മീ ടൂ മുന്നേറ്റത്തിന്റെ ശക്തിയെന്നും സ്വയം ആർജ്ജിച്ചെടുത്ത കഴിവുകൾ കൊണ്ട് അപകടങ്ങളിൽ നിന്ന് സ്ത്രീകൾ സംരക്ഷിക്കപ്പെടുന്നുണ്ടെന്നും അവർ പറയുന്നു. ‘എല്ലായ്പ്പോഴും നമുക്ക് ശബ്ദമുണ്ടായിരുന്നു. പക്ഷേ അന്നൊന്നും നമ്മളെ ആരും കേട്ടില്ല. പക്ഷേ, ഇന്ന് നമ്മൾ പരസ്പരം പിന്തുണ നൽകുന്നുണ്ട്. അതുകൊണ്ടു തന്നെ ആർക്കും നമ്മുടെ വായമൂടിക്കെട്ടാനാവില്ല. അതൊരു അവിശ്വസനീയമായ ശക്തി തന്നെയാണ്’.– പ്രിയങ്ക വ്യക്തമാക്കി
‘ഇപ്പോൾ, എനിക്കൊരു അനുഭവം പറയാനുണ്ടെങ്കിൽ, അതു തുറന്നു പറയുന്നതിൽ ഒരു നാണക്കേടുമില്ല’ എന്ന് പ്രിയങ്ക അഭിപ്രായപെട്ടു. അപ്പോഴാണ്‌ ലൈംഗിക പീഡനം എപ്പോഴെങ്കിലും നേരിടേണ്ടി വന്നിട്ടുണ്ടോ എന്ന ചോദ്യം താരത്തിനു നേരെ ഉയര്‍ന്നത്. ”ഒരിയ്ക്കലെങ്കിലും അത്തരം ഒരു അനുഭവത്തിലൂടെ കടന്നുപോകാത്ത ഒരാൾ പോലും ഇവിടെയില്ലെന്നാണ് ഞാൻ കരുതുന്നത്’ എന്നായിരുന്നു ഉയർത്തിപ്പിടിച്ച കൈകളോടെ പ്രിയങ്ക മറുപടി നല്‍കി
Post Your Comments