ലൂസിഫര്‍ മലയാള സിനിമയില്‍ പുതിയ ചരിത്രം കുറിക്കുമ്പോള്‍ കേരളത്തിന്‌ പുറത്തുള്ളവരും ചിത്രത്തെ വരവേല്‍ക്കാന്‍ അക്ഷമയോടെ കാത്തിരിക്കുകയാണ്, ലൂസിഫറിന്റെ തെലുങ്ക് ഡബ്ബിംഗ് റിലീസ് എന്നുണ്ടാകുമെന്നു അന്വേഷിച്ചു മോഹന്‍ലാലിന്‍റെ ആരാധകനായ ഒരു അന്യദേശ സിനിമാ പ്രേമി പൃഥ്വിരാജിന്റെ ട്വിറ്റര്‍ പേജില്‍ കമന്റ് ചെയ്തിരിക്കുകയാണ്.
“ഞാന്‍ തെലുങ്ക് നാട്ടില്‍ നിന്നാണ്, താങ്കളുടെ സിനിമയുടെ വലിയ ആരാധകനാണ്, മോഹന്‍ലാല്‍ സാറിനു അത്ര വലിയ മാര്‍ക്കറ്റ് ഉണ്ടിവിടെ, ലൂസിഫര്‍ തെലുങ്കില്‍ ഡബ്ബ് ചെയ്തു ഇറക്കുമെന്ന് വിശ്വസിക്കുന്നു”, വൈകാതെ ഉണ്ടാകുമെന്നാണ് പൃഥ്വിരാജ് മറുപടി നല്‍കിയത്.
ഏപ്രില്‍ 16-നായിരിക്കും ലൂസിഫറിന്റെ തെലുങ്ക് ഡബ്ബിംഗ് റിലീസ് ചെയ്യുക. തെന്നിന്ത്യന്‍ സിനിമയില്‍ തന്നെ വലിയ ശ്രദ്ധ നേടുന്ന ലൂസിഫര്‍ സിനിമാ പ്രേമികളുടെ വലിയ ആഘോഷ ചിത്രമായി മാറിക്കഴിഞ്ഞു , പൃഥ്വിരാജിന്റെ ആദ്യ സംവിധാന ചിത്രമെന്നതിലുപരി മോഹന്‍ലാലിന്‍റെ നിലവാരമുള്ള മാസ് സിനിമയെന്ന നിലയിലാണ് ആരാധകര്‍ ചിത്രത്തെ ആഘോഷമാക്കുന്നത്.
Post Your Comments