പൃഥ്വിരാജ് ആദ്യമായി സംവിധാനം ചെയ്ത ലൂസിഫര്‍ കേരളത്തിലെ തിയേറ്ററുകളില്‍ നിറഞ്ഞ സദസ്സുകളില്‍ പ്രദര്‍ശനം തുടരുമ്പോള്‍ പലയിടത്തും പ്രേക്ഷര്‍ക്കു ടിക്കറ്റ് കിട്ടാത്ത അവസ്ഥയാണ്‌, ദിവസങ്ങള്‍ക്ക് മുന്‍പേയുള്ള ടിക്കറ്റുകള്‍ പോലും ഓണ്‍ലൈനിലൂടെ ഫുള്‍ ആയി ബുക്ക് ചെയ്തു കൊണ്ട് പ്രേക്ഷകര്‍ ലൂസിഫറിനെ സ്വീകരിക്കാന്‍ ഓരോ ദിവസവും കാത്തിരിക്കുകയാണ്.
പുതിയ ചിത്രമായ മേരനാം ഷാജിയുടെ വിശേഷങ്ങള്‍ പങ്കുവയ്ക്കാന്‍ ലൈവിലെത്തിയ ആസിഫ് അലിയോടാണ് ഒരു ആരാധകന്‍ ലൂസിഫര്‍ കണ്ടോ എന്ന് അന്വേഷിച്ചത്, ഉടനടി മലയാളത്തിന്റെ ഇഷ്ടതാരം മറുപടിയും നല്‍കും ടിക്കറ്റ് കിട്ടാതെ എങ്ങനെ കാണും എന്നായിരുന്നു ആസിഫിന്റെ മറുപടി.
മാര്‍ച്ച്-28 നു പ്രദര്‍ശനത്തിനെത്തിയ ലൂസിഫര്‍ ബോക്സോഫീസില്‍ വലിയ കുതിപ്പാണ് നടത്തിയിരിക്കുന്നത്, ഇന്ത്യക്ക് പുറത്തും ചിത്രം ഗംഭീര നേട്ടം കൈവരിക്കുകയാണ്, ഗള്‍ഫ് നാടുകളില്‍ ഹോളിവുഡ് ചിത്രമായ ക്യാപ്റ്റന്‍ മാര്‍വെലിന്റെ കളക്ഷന്‍ തിരുത്തി കുറിച്ചാണ് ലൂസിഫറിന്റെ കുതിപ്പ്.
Post Your Comments