മോഹന്‍ലാല്‍ എന്ന സൂപ്പര്‍ താരം ആന്റണി പെരുമ്പാവൂര്‍ എന്ന വ്യക്തിക്ക് എന്നും ദൈവ തുല്യനാണ്. മുപ്പത് വര്‍ഷങ്ങളുടെ ഈ സ്നേഹ ബന്ധം അതിന്റെ എല്ലാ സത്യസന്ധതയോടെയും നിലനില്‍ക്കുമ്പോള്‍ തന്റെ ബലം മോഹന്‍ലാല്‍ എന്ന വ്യക്തിയാണെന്ന് തുറന്നു പറയുകയാണ് മോഹന്‍ലാലിന്‍റെ സന്തതസഹചാരിയും മലയാള സിനിമയുടെ മുന്‍നിര നിര്‍മ്മാതാവുമായ ആന്റണി പെരുമ്പാവൂര്‍. ലൂസിഫര്‍ എന്ന ചിത്രത്തിന്റെ പ്രമോഷന്റെ ഭാഗമായി ഒരു ചാനലിനു നല്‍കിയ അഭിമുഖത്തിലായിരുന്നു ആന്റണി പെരുമ്പാവൂരിന്റെ തുറന്നു പറച്ചില്‍.
ലൂസിഫര്‍ എന്ന സിനിമയുടെ ആദ്യ ചര്‍ച്ചാവേളയില്‍ പൃഥ്വിരാജും മുരളി ഗോപിയും ആദ്യം പറഞ്ഞത്, “ഞങ്ങള്‍ താങ്കളേക്കാള്‍ വലിയ മോഹന്‍ലാല്‍ ആരാധകര്‍ എന്നായിരുന്നുവെന്നും, ഒരു നിര്‍മ്മാതാവ് എന്ന നിലയില്‍ പൃഥ്വിരാജ് എന്ന സംവിധായകനില്‍ തനിക്ക് അത്രയേറെ കോണ്‍ഫിഡന്‍സ് ഉണ്ടെന്നും ആന്റണി പെരുമ്പാവൂര്‍ പറയുന്നു. ലൂസിഫര്‍ ഒരു വലിയ വിജയമാകുമെന്ന പ്രതീക്ഷയിലാണ് താനെന്നും ആന്റണി പെരുമ്പാവൂര്‍ പങ്കുവച്ചു.
മുരളി ഗോപി രചന നിര്‍വഹിച്ച ലൂസിഫറില്‍ ഒരു വമ്പന്‍ താരനിര തന്നെ അണിനിരക്കുന്നുണ്ട്, സ്റ്റീഫന്‍ നെടുമ്പള്ളി കഥാപാത്രമായി മോഹന്‍ലാല്‍ എത്തുമ്പോള്‍ ആരാധകരും വലിയ പ്രതീക്ഷ മനസ്സില്‍ നിറച്ച് കാത്തിരിക്കുകയാണ്. മാര്‍ച്ച്-28 ചിത്രം തിയേറ്ററുകളിലെത്തും.
Post Your Comments