മലയാള സിനിമയുടെ ഗതി മാറിയെന്നും ഹീറോയിസം എന്ന സംഗതി വെറും മണ്ടത്തരമാണെന്നും തുറന്നു പറഞ്ഞു നടന്‍ ശ്രീനാഥ് ഭാസി, ആ മാറ്റം ഉള്‍ക്കൊണ്ടു അഭിനയിക്കുന്ന നടനാണ് ഫഹദ് ഫാസിലെന്നും ശ്രീനാഥ് ഭാസി പറയുന്നു. ‘മാതൃഭൂമി സ്റ്റാര്‍ ആന്റ് സ്റ്റൈലില്‍ നല്‍കിയ അഭിമുഖത്തിലായിരുന്നു ശ്രീനാഥ് ഭാസിയുടെ തുറന്നു പറച്ചില്‍
“മലയാള സിനിമയുടെ സമയവും കാലവുമൊക്കെ മാറി കഴിഞ്ഞു, ഹീറോയിസം എന്നതൊക്കെ ഭയങ്കര മണ്ടത്തരമായ സംഗതിയാണ്. ആ മാറ്റം ഉള്‍ക്കൊണ്ടാണ് ഫഹദ് അഭിനയിക്കുന്നത്. എന്റെ അച്ഛന്‍ ഒരിക്കല്‍ ചോദിച്ചു തൊണ്ടിമുതല്‍ പോലെയുള്ള ഒരു സിനിമയ്ക്ക് ഫഹദ് എങ്ങനെ ഡേറ്റ് നല്‍കിയെന്ന്. അത്രയ്ക്ക് വേറിട്ട വഴിയിലാണ് ഫഹദിന്റെ യാത്ര”, ശ്രീനാഥ് ഭാസി പറയുന്നു.
മധു സി നാരായണന്‍ സംവിധാനം ചെയ്ത കുമ്പളങ്ങി നൈറ്റ്സ് ഇപ്പോഴും വിജയകരമായി പ്രദര്‍ശനം തുടരുമ്പോള്‍ ചിത്രത്തിലെ ഷമ്മി എന്ന സൈക്കോ കഥാപാത്രത്തെ അവതരിപ്പിച്ച ഫഹദ് മലയാളത്തിലെ നായക സങ്കല്‍പ്പങ്ങളെ ശരിക്കും പൊളിച്ചെഴുതുകയാണ്.
Post Your Comments