സിനിമ ആലോചിച്ചാല്‍ മനസ്സില്‍ വരുന്നത് ജഗതി ചേട്ടന്റെ മുഖം: ഹരിശ്രീ അശോകന്‍

ഇന്റർനാഷണൻ ലോക്കൽ സ്റ്റോറി എന്ന ചിത്രത്തിലൂടെ മലയാള സിനിമയിൽ സംവിധായകനെന്ന നിലയില്‍  ഹരിശ്രീ കുറിച്ചിരിക്കുകയാണ് മലയാളികളുടെ പ്രിയഹാസ്യനടനായ ഹരിശ്രീ അശോകൻ. എബൻ,രഞ്ജിത്ത് ,സനീഷ് എന്നിവരുടെതാണ് തിരക്കഥ. എസ്സ് സ്വകയർ സിനിമാസിന്റെ ബാനറിൽ ശിജിത്താണ് ചിത്രം നിർമ്മിച്ചിരിക്കുന്നത്.

ഇനിയും സിനിമ സംവിധാനം ചെയ്യാനുള്ള ആഗ്രഹം മലയാളത്തിന്റെ ചിരി നായകന്‍ മറച്ചുവയ്ക്കുന്നില്ല, പല കഥകൾ മനസ്സിൽ വരാറുണ്ടെന്നും കഥാപാത്ര സങ്കല്പങ്ങളിൽ യോജിച്ച നടനെ തേടുമ്പോഴെല്ലാം മനസ്സിൽ വരുന്നത് മലയാളത്തിന്റെ ഹാസ്യകുലപതി ജഗതി ശ്രീകുമാറാണെന്നും ഹരിശ്രീ അശോകൻ പറയുന്നു. പലപ്പോഴും കഥാപാത്രങ്ങളെ തെരെഞ്ഞടുക്കുമ്പോൾ ജഗതി ശ്രീകുമാർ ഉൾപ്പെട്ടവരുടെ മുഖങ്ങൾ മനസ്സിൽ വരാറുണ്ടെന്നായിരുന്നു അദ്ദേഹത്തിന്റെ മറുപടി.