സംവിധായകനെന്ന നിലയില്‍ മലയാള സിനിമയില്‍ കയ്യൊപ്പ് പതിപ്പിച്ച ലാല്‍ ക്യാമറയ്ക്ക് മുന്നിലും പ്രേക്ഷകരെ വിസ്മയിപ്പിച്ച താരമാണ്. രണ്ടു സംസ്ഥാന അവാര്‍ഡുകള്‍ ഉള്‍പ്പടെ നിരവധി അംഗീകാരങ്ങള്‍ സ്വന്തം പേരിലാക്കിയ ലാലിന് ലാല്‍ എന്ന നടനോട് വലിയ മമതയില്ലെന്നതാണ് ഏറെ കൗതുകം, മോഹന്‍ലാലിനൊപ്പം അഭിനയിച്ച ലോഹിതദാസിന്റെ രചനയില്‍ പിറന്ന കന്മദത്തിലെ തന്റെ അഭിനയ രീതിയെ വിമര്‍ശനാത്മകമായി ലാല്‍ ഒരു അഭിമുഖ പരിപാടിയില്‍ കീറി മുറിക്കുകയുണ്ടായി.
ലാല്‍ കന്മദം എന്ന ചിത്രത്തിലെ അഭിനയത്തെക്കുറിച്ച് പറഞ്ഞത്
“ലോഹിതദാസിന്റെ മനോഹര രചനകൊണ്ടും, മോഹന്‍ലാല്‍ എന്ന അതുല്യ പ്രതിഭയുടെ അഭിനയ മികവു കൊണ്ടും എവിടെയോ എത്തി നില്‍ക്കുന്ന ചിത്രമാണ് കന്മദം, അതില്‍ എന്റെ അഭിനയത്തെ ഇത്രയും വാഴ്ത്തപ്പെടുന്നതിനു കാരണം കൂടെ നിന്ന് അഭിനയിച്ച മോഹന്‍ലാലും അതിലുപരി ലോഹിതദാസ് എഴുതി വച്ച തിരക്കഥയുമാണ്‌. അല്ലാതെ അതില്‍ ഞാന്‍ ഒന്നും ചെയ്തിട്ടില്ലെന്ന് എനിക്ക് തന്നെ അറിയാം, മോഹന്‍ലാലിന്‍റെ അഭിനയത്തെക്കാള്‍ ഗംഭീരമായിരുന്നു എന്നൊക്കെ ചിലര്‍ അന്ന് പറഞ്ഞെങ്കിലും ഞാന്‍ നന്നായി അഭിനയിച്ചിട്ടില്ലെന്ന് അത് കാണുമ്പോള്‍ എനിക്ക് തന്നെ വ്യക്തമാകാറുണ്ട്, ഒരു പ്രമുഖ ടിവി ചാനലിനു നല്‍കിയ അഭിമുഖത്തിലാണ് ലാല്‍ കന്മദത്തിലെ തന്റെ അഭിനയത്തെ പ്രത്യക്ഷമായി വിമര്‍ശിച്ചത്.
Post Your Comments