തെന്നിന്ത്യന്‍ സിനിമയില്‍ തിളങ്ങാന്‍ ഒരു താരപുത്രി കൂടി. തിരക്കഥാകൃത്തായ ബെന്നി പി നായരമ്പലത്തിന്റെ മകളായ അന്ന ബെന്നാണ് അഭിനയത്തിലെയ്ക്ക് ചുവടു വയ്ക്കാന്‍ ഒരുങ്ങുന്നത്. യുവനടന്‍ ഷെയ്ന്‍ നിഗം നായകനായി എത്തുന്ന കുമ്പളങ്ങി നൈറ്റ്‌സിലൂടെയാണ് നായികയായി അന്ന എത്തുന്നത്. ഇരുവരും ഒരുമിച്ചുള്ള പ്രണയരംഗങ്ങളും ഗാനവുമൊക്കെ ഇതിനോടകം തന്നെ സോഷ്യല്‍ മീഡിയയിലൂടെ തരംഗമായി മാറിയിരുന്നു.
ആകാശഗംഗ, വാഴുന്നോര്‍, കല്യാണരാമന്‍, കുഞ്ഞിക്കൂനന്‍, തൊമ്മനും മക്കളും, ചാന്ത്‌പൊട്ട്, ചോട്ടാമുംബൈ, അണ്ണന്‍തമ്പി, വെളിപാടിന്റെ പുസ്തകം എന്ന് തുടങ്ങി മലയാളികള്‍ എന്നെന്നും ഓര്‍ത്തുവയ്ക്കുന്ന ഒരുപിടി ചിത്രങ്ങള്‍ സമ്മാനിച്ച തിരക്കഥാകൃത്താണ് ബെന്നി പി നായരമ്പലം. അന്നയുടെ കുമ്പളങ്ങി നൈറ്റ്‌സ് ഒരുക്കുന്നത് ആഷിഖ് അബുവിന്റെ അസോസിയേറ്റായിരുന്ന മധു സി നാരായണനാണ് . ഫെബ്രുവരി 7നാണ് ഈ സിനിമ റിലീസ് ചെയ്യുന്നത്.
Post Your Comments