ഇടവേളയ്ക്ക് ശേഷം വീണ്ടും സിനിമയില്‍ സജീവമാകുകയാണ് നടി പ്രിയങ്ക. മലയാളസിനിമാമേഖലയിലെ ലിംഗവിവേചനത്തെക്കുറിച്ചും ചൂഷണങ്ങളെക്കുറിച്ചും പ്രിയങ്ക ഒരു അഭിമുഖത്തില്‍ പങ്കുവയ്ക്കുന്നു.
”എല്ലാ മേഖലകളിലും ഈ പറയുന്ന പ്രശ്നമുണ്ട്. ഞാൻ സിനിമയിൽ എത്തിയിട്ട് പത്തുവർഷം കഴിഞ്ഞു. ഇതുവരെ അഭിനയിച്ചതെല്ലാം എനിക്ക് കംഫർട്ടബിൾ ആയിട്ടുള്ളവരുടെ കൂടെയാണ്. അതുകൊണ്ട് ഇത്തരം പ്രശ്നം എനിക്ക് നേരിടേണ്ടി വന്നിട്ടില്ല. പക്ഷെ അതിന്റെയർഥം ഇതൊന്നും ഇവിടെയില്ല എന്ന് അല്ല. ഈ പ്രവണത ഭാവിയിലെങ്കിലും മാറേണ്ടത് തന്നെയാണ്. ” പ്രിയങ്ക പറഞ്ഞു.
സിനിമയില്‍ താന്‍ ഇടവേള എടുത്തിട്ടില്ലെന്നും തന്റെ സിനിമകളുടെ ജോലികൾ പൂർത്തിയാകാനും റിലീസാകാനും സമയമെടുക്കുന്നതുകൊണ്ടാണ് താൻ ഇടവേളയെടുക്കുകയാണെന്ന് തോന്നുന്നതെന്നും താരം കൂട്ടിച്ചേര്‍ത്തു. മാസ്ക് എന്ന ചിത്രത്തിന്‍റെ തിരക്കിലാണ് പ്രിയങ്ക
Post Your Comments