എംടി ഹരിഹരന്‍ ടീമിന്റെ ‘ഒരു വടക്കന്‍ വീരഗാഥ’യില്‍ ഉണ്ണിയാര്‍ച്ചയുടെ കുട്ടിക്കാല വേഷം അഭിനയിച്ചു കൊണ്ടായിരുന്നു നടി ജോമോളുടെ സിനിമാ പ്രവേശം. വടക്കന്‍ വീരഗാഥ എന്ന സിനിമ കണ്ടവരാരും കുട്ടി ഉണ്ണിയാര്‍ച്ചയുടെ മുഖം മറക്കില്ല. ചെറു പ്രായത്തില്‍ തന്നെ സിനിമയിലെ ചന്തുവിനെ മാംഗല്യം കഴിച്ച ജോമോള്‍ വര്‍ഷങ്ങള്‍ക്ക് ശേഷം തന്റെ ജീവിതത്തിലേക്ക് തെരഞ്ഞെടുത്തതും മറ്റൊരു ചന്തുവിനെയാണ്, പ്രണയിച്ച് വിവാഹം ചെയ്ത ജോമോള്‍ പിന്നീടു സിനിമാ രംഗത്തേക്ക് മടങ്ങി വന്നില്ല.
മിനി സ്ക്രീനിലൂടെ ജോമോള്‍ തിരിച്ചെത്തിയെങ്കിലും സിനിമയില്‍ ജോമോള്‍ തന്റെ രണ്ടാം വരവിനു പ്രാധാന്യം നല്‍കിയില്ല. എന്ന് സ്വന്തം ജാനകിക്കുട്ടി, ദീപസ്തംഭം മഹാശ്ചര്യം, മേലേവാര്യത്തെ മാലാഖകുട്ടികള്‍, മയില്‍പ്പീലിക്കാവ്, തുടങ്ങിയ ചിത്രങ്ങളിലെല്ലാം ജോമോള്‍ നായികയായി തിളങ്ങി.
വടക്കന്‍ വീരഗാഥയുടെ സെറ്റില്‍ ഏവരുടെയും പ്രിയപുത്രിയായിരുന്നു ജോമോള്‍, സീനിയര്‍ സംവിധായകനായ ഹരിഹരനെ പോലും കൈയ്യിലെടുത്ത ജോമോള്‍ മമ്മൂട്ടിയുടെയും സുരേഷ് ഗോപിയുടെയുമൊക്കെ ഇഷ്ടതാരമായി. ഐസ്ക്രീമും, ചോക്ലേറ്റും നല്‍കിയാല്‍ മാത്രമേ താന്‍ നന്നായി അഭിനയിക്കൂ എന്ന നിലപാടിലായിരുന്നു അന്നത്തെ കുട്ടി ഉണ്ണിയാര്‍ച്ച. ഹരിഹരന്‍ ഐസ്ക്രീമും ചോക്ലേറ്റും നല്‍കിയ ശേഷമാണ് ജോമോള്‍ എന്ന ഉണ്ണിയാര്‍ച്ചയെ ക്യാമറയ്ക്ക് മുന്നില്‍ കുറുമ്പില്ലാതെ അഭിനയിപ്പിക്കാന്‍ റെഡിയാക്കി നിര്‍ത്തുന്നത്.
Post Your Comments