കരുത്തുറ്റ സ്ത്രീ കഥാപാത്രങ്ങള്‍ക്ക് ജീവന്‍ നല്‍കിയ എഴുത്തുകാരനാണ്‌ എംടി വാസുദേവന്‍ നായര്‍. എംടിയുടെ രചനയില്‍ ഏറ്റവും കൂടുതല്‍ സ്ത്രീ കഥാപാത്രങ്ങളെ അവതരിപ്പിച്ച നടിയാണ് സീമ. ആരൂഡം,അനുബന്ധം തുടങ്ങിയ എംടി സിനിമകളില്‍ സീമ ശക്തമായ കഥാപാത്രങ്ങളെ അവതരിപ്പിച്ചാണ് പ്രേക്ഷകരുടെ പ്രീതി നേടിയെടുത്തത്.
നടി സീമയ്ക്ക് കിട്ടാവുന്ന ഏറ്റവും വലിയ ഭാഗ്യം എന്തെന്നാല്‍ വര്‍ഷങ്ങള്‍ക്ക് ശേഷം എംടി പറഞ്ഞ വാക്കുകളാണ്.
“നീയൊന്നും അഭിനയിക്കാനില്ലാത്തത് കൊണ്ട് എനിക്ക് സ്ത്രീ കഥാപാത്രങ്ങള്‍ എഴുതാന്‍ തോന്നാറില്ല” എന്നായിരുന്നു എംടിയുടെ വാക്കുകള്‍
എംടിയുടെ വാക്കുകള്‍ കേട്ടതും ആദരവോടെ അദ്ദേഹത്തിന്റെ കാലു തൊട്ടു പ്രണമിക്കുകയായിരുന്നു ഒരുകാലത്തെ മലയാളത്തിന്റെ സ്വന്തം കുടുംബ നായിക. സീമയുടെ സിനിമാ ജീവിതത്തില്‍ എംടി ചിത്രങ്ങള്‍ നല്‍കിയ ഇമേജ് ഒരിക്കലും വിസ്മരിക്കനാകാത്തതാണ്.ഐവി ശശി -എംടി വാസുദേവന്‍ നായര്‍ കൂട്ടുകെട്ടിലെ നിരവധി സിനിമകളില്‍ സീമ ആഴമേറിയ കഥാപാത്രങ്ങളെ മനോഹരമാം വിധം അവതരിപ്പിച്ചിട്ടുണ്ട്.
Post Your Comments