മമ്മൂട്ടിക്കൊപ്പം അഭിനയിച്ച് തകർത്ത് സണ്ണി ലിയോൺ ; ചിത്രങ്ങൾ വൈറലാകുന്നു

പോൺ നായികയായി എത്തി ബോളിവുഡിലെ മികച്ച നടിമാരിൽ ഒരാളായി മാറിയ താരമാണ് സണ്ണി ലിയോൺ. ഇന്ത്യയിലും വിദേശത്തും ഒരുപോലെ ആരാധകരുള്ള സണ്ണി മലയാളത്തിൽ ആദ്യമായി അഭിനയിക്കുന്നു എന്നതാണ് ഏറ്റവും പുതിയ വാർത്ത. സൂപ്പർ സ്റ്റാർ മമ്മൂട്ടിക്കൊപ്പമാണ് സണ്ണി അഭിനയിക്കുന്നതെന്ന് കേട്ടപ്പോൾ മലയാളീ ആരാധകർക്ക് സന്തോഷം ഇരട്ടിയായി.

മധുരരാജയിലാണ് മമ്മൂട്ടിക്കൊപ്പം സണ്ണി ലിയോണ്‍ എത്തുന്നത്. ചിത്രത്തിലെ ഐറ്റം ഡാന്‍സ് രംഗത്താണ് ഇരുവരും ഒന്നിക്കുന്നത്. ഇപ്പോള്‍ ഇതാ ചിത്രത്തിലെ ചില ഫോട്ടോകളും പുറത്തുവന്നു. വെറുതെയൊരു ഐറ്റം ഡാന്‍സല്ല, കഥയില്‍ നിര്‍ണായക പങ്കുവഹിക്കുന്ന ഗാനം കൂടിയാണിതെന്നും സണ്ണി ലിയോണ്‍ തന്നെ പറയുകയുണ്ടായി.

https://www.instagram.com/p/BtK-PdmD3Ov/?utm_source=ig_embed

ഉദയകൃഷ്ണയുടെ തിരക്കഥയില്‍ വൈശാഖ് സംവിധാനം ചെയ്യുന്ന ചിത്രം നിര്‍മ്മിക്കുന്നത് നെല്‍സണ്‍ ഐപ്പാണ്. പീറ്റര്‍ ഹെയ്‌നാണ് ആക്ഷന്‍ കൊറിയോഗ്രഫി ചെയ്തിരിക്കുന്നത്. 2009ല്‍ പുറത്തിറങ്ങിയ പോക്കിരിരാജയുടെ രണ്ടാം ഭാഗമാണ് മധുരരാജ.