ഒരുകാലത്ത് യുവ മനസ്സുകളെ ഏറെ ആകര്‍ഷിച്ച അഭിനേത്രിയായിരുന്നു സില്‍ക്ക് സ്മിത. ഐറ്റം ഡാന്‍സുകളിലൂടെ വെള്ളിത്തിരയില്‍ തിളങ്ങിയ സില്‍ക്കിനെ സ്ത്രീ പ്രേക്ഷകരും ഏറെ ഇഷ്ടപ്പെട്ടിരുന്നതായി സംവിധായകന്‍ ലാല്‍ ജോസ് വ്യക്തമാക്കുന്നു. ‘കിരീടം ഇല്ലാത്ത രാജാക്കന്മാര്‍’ എന്ന സിനിമയില്‍ തനിക്ക് അവരുമൊത്ത് ഒന്നിച്ച് പ്രവര്‍ത്തിക്കാനായെന്നും, ചെയ്യുന്ന തൊഴിലിനോട് ഇത്രയും ആത്മാര്‍ത്ഥതയുള്ള ഒരു നടിയെ താന്‍ വേറെ കണ്ടിട്ടില്ലെന്നും ഒരു അഭിമുഖത്തില്‍ ലാല്‍ ജോസ് പറയുന്നു .
സില്‍ക്ക് സ്മിത ഒരു സിനിമയിലുണ്ടെകില്‍ കഥാ പശ്ചാത്തലം എന്ത് തന്നെയായാലും അവരെ വെച്ച് ഒരു ഗ്ലാമറസ് ഗാനരംഗം പതിവാണ്. പ്രേക്ഷകര്‍ അത് പ്രതീക്ഷിക്കുന്നതിനാല്‍ അങ്ങനെയൊരു ഗാനം ചിത്രീകരിക്കാന്‍ കിരീടം ഇല്ലാത്ത രാജാക്കന്മാര്‍ എന്ന ചിത്രത്തിന്റെ അണിയറപ്രവര്‍ത്തകര്‍ തീരുമാനമെടുത്തു. പക്ഷെ ചിത്രത്തില്‍ അസോസിയേറ്റ് ആയി പ്രവര്‍ത്തിച്ചിരുന്ന ലാല്‍ ജോസ് അതിനു വിസമ്മതം പ്രകടിപ്പിക്കുകയായിരുന്നു, ഏതായാലും താന്‍ അങ്ങനെയൊരു ഗ്ലാമറസ് രംഗം ചിത്രീകരിക്കാന്‍ കൂട്ട് നില്‍ക്കില്ല എന്ന് പറഞ്ഞു ലാല്‍ ജോസ് ലൊക്കേഷനില്‍ നിന്നും പിന്‍വാങ്ങുയായിരുന്നു.
Post Your Comments