സിനിമാ പശ്ചാത്തലമില്ലാത്ത നടിമാര്‍ക്ക് അവസരങ്ങള്‍ കുറവാണെന്ന് ബോളിവുഡ് സുന്ദരി അഹാന കുംറ. തന്റെ പുതിയ ചിത്രമായ ദി ആക്‌സിഡന്റല്‍ പ്രൈം മിനിസ്റ്ററിനെക്കുറിച്ച് സംസാരിച്ചപ്പോഴാണ് താരത്തിന്റെ തുറന്നു പറച്ചില്‍.
ദി ആക്‌സിഡന്റല്‍ പ്രൈം മിനിസ്റ്ററില്‍ പ്രിയങ്ക ഗാന്ധിയുടെ വേഷം അവതരിപ്പിക്കുന്നത് അഹാനയാണ്. ഇത്തരം സിനിമകള്‍ മനഃപ്പൂര്‍വ്വം തിരഞ്ഞെടുക്കുന്നതല്ല. ഇത്തരം ചിത്രങ്ങളില്‍ മാത്രമേ തന്നേതേടി അവസരങ്ങള്‍ വരുന്നൊള്ളെന്നും അഹാന പറയുന്നു. 2017ല്‍ പുറത്തിറങ്ങിയ ലിപ്സ്റ്റിക് അണ്ടര്‍ മൈ ബുര്‍ക്ക എന്ന ചിത്രത്തിലൂടെയാണ് അഹാന ശ്രദ്ധിക്കപ്പെടുന്നത്.
സിനിമാ പശ്ചാതലമില്ലാത്ത സ്ത്രീകള്‍ക്ക് ഒരുപാട് സിനിമകളൊന്നും വാഗ്ദാനം ചെയ്യപ്പെടാത്തതുകൊണ്ടുതന്നെ കിട്ടുന്ന വേഷങ്ങള്‍ സന്തോഷത്തോടെ ഏറ്റെടുക്കുകയാണ് താന്‍ ചെയ്യുന്നതെന്നും താരം കൂട്ടിച്ചേര്‍ത്തു.
Post Your Comments