മലയാളികളുടെ പ്രിയനടന്‍ മോഹന്‍ലാല്‍ അഭിനയം കൊണ്ട് മാത്രമല്ല ഗാനങ്ങള്‍ കൊണ്ടും പ്രേക്ഷകരുടെ ഇഷ്ടം നേടിയ താരമാണ്. മികച്ച ഒരുപിടി ഗാന രംഗങ്ങളില്‍ അഭിനയിച്ച മോഹന്‍ലാലിനു മലയാളത്തിന്റെ സംഗീത വിസ്മയം എം എസ് ബാബുരാജിന്റെ ഈണത്തില്‍ ഒരുക്കിയ ഗാനരംഗത്തില്‍ അഭിനയിക്കാന്‍ അവസരം ലഭിച്ചിട്ടില്ല. അതിനെക്കുറിച്ച് താരം മുന്പ് തുറന്നു പറഞ്ഞിട്ടുണ്ട്.
കാലത്തെ അതിജീവിച്ച ഒരു പിടിസുന്ദര ഗാനങ്ങള്‍ സൃഷ്ട്ടിച്ച അതുല്യ പ്രതിഭയാണ് ബാബുരാജ്. എന്നാല്‍ , ഒരിക്കല്‍ പോലും ബാബുരാജ് എന്ന ബാബുക്കയെ കണ്ടിട്ടില്ലെങ്കിലും സംഗീതം അദ്ദേഹത്തെ ഒരാത്മസുഹൃത്തായി എന്‍റെ മനസ്സില്‍ പ്രതിഷ്ടിച്ചിരുന്നുവെന്ന് താരം പറയുന്നു.
”പ്രതിഭാധരന്‍മാരായ ഒരു പാട് സംഗീത ഗുരുക്കന്മാര്‍ എന്‍റെ നടന ജീവിതത്തിന് അര്‍ഥം നല്‍കിയിട്ടുണ്ട്. ദേവരാജന്‍ മാസ്റ്ററും ,രാഘവന്‍ മാസ്റ്ററും, ദക്ഷിണാമൂര്‍ത്തിസ്വാമിയും , രവീന്ദ്രന്‍ മാസ്റ്ററും ഈണം നല്‍കിയ പാട്ടുകള്‍ക്ക് സിനിമയില്‍ ലിപ് നല്‍കാനുള്ള മഹാഭാഗ്യം എനിക്ക് ലഭിച്ചിട്ടുണ്ട്. പക്ഷേ, സത്യന്‍മാഷിനും നസീര്‍ സാറിനും മധുസാറിനുമൊക്കെ ലഭിച്ച ബാബുക്കയെന്ന ഭാഗ്യം ഞാന്‍ സിനിമയിലെത്തും മുന്‍പേ ലോകത്തോട് വിട പറഞ്ഞിരുന്നു. ജീവിതം ആദ്ദേഹത്തിന് അല്‍പ്പംകൂടി നീട്ടി കൊടുത്തിരുന്നെങ്കില്‍ ബാബുക്ക ഈണമിട്ട ഒരു പാട്ടെങ്കിലും എനിക്ക് പാടാന്‍ കഴിയുമായിരുന്നല്ലോ എന്ന് ഞാന്‍ ആശിക്കാറുണ്ട്.”
കടപ്പാട് : മെട്രോമാറ്റിനി
Post Your Comments