നടുറോഡില്‍ നടിയ്ക്ക് നേരെ അതിക്രമം. ബോളിവുഡ് നടിയും മുന്‍ക്രിക്കറ്റ് താരം മനോജ് പ്രഭാകറിന്റെ ഭാര്യയുമായ ഫര്‍ഹീന്‍ പ്രഭാകര്‍ക്ക് നേരെയാണ് അതികാരം ഉണ്ടായത്. ശനിയാഴ്ചയാണ് സംഭവം. ദക്ഷിണ ഡല്‍ഹിയിലെ മാളിലേക്ക് കാറോടിച്ച് പോകുന്നതിനിടെ കവര്‍ച്ചാ സംഘം താരത്തെ ആക്രമിക്കുക ആയിരുന്നു. ട്രാഫിക് സിഗ്നലില്‍ നിര്‍ത്തിയിട്ട നടിയുടെ കാറില്‍ ഇടിക്കാനായ നോക്കിയതിനെ ചോദ്യം ചെയ്തതിനു പിന്നാലെ നടിയുടെ ഡ്രൈവിങ് മോശമാണെന്ന് പറഞ്ഞ് തര്‍ക്കിക്കുകയും 16000 രൂപയും ചില പ്രധാന രേഖകളും വില കൂടിയ ഫോണും അവര്‍ കവര്‍ന്നെടുത്തു.
ഇതിനിടയില്‍ റോഡില്‍ ബോധരഹിതയായി വീണ നടിയെ ഒരു ആര്‍മി ഉദ്യോഗസ്ഥനാണ് രക്ഷിച്ചത്. അദ്ദേഹം കവര്‍ച്ചാസംഘം സഞ്ചരിച്ച കാറിന്റെ നമ്പറും പോലീസിന് കൈമാറിയിരുന്നു. കേസ് രജിസ്റ്റര്‍ ചെയ്തിട്ടുണ്ടെന്നും സിസിടിവി ദൃശ്യങ്ങള്‍ ഉപയോഗിച്ച് പ്രതികള്‍ക്കായുള്ള തിരിച്ചില്‍ ആരംഭിച്ചെന്നും പോലീസ് പറയുന്നു
Post Your Comments