ഐഎസ്ആർഒ ചാരക്കേസിൽ പ്രതിയെന്ന് മുദ്രകുത്തുകയും വർഷങ്ങൾക്ക് ശേഷം നീതി ലഭിക്കുകയും ചെയ്ത നമ്പി നാരായണന്റെ ജീവിതം സിനിമയാകുന്നുവെന്ന വാർത്ത വന്നിരുന്നു. റോക്കറ്റ്ട്രി എന്ന് പേര് നൽകിയിരിക്കുന്ന ചിത്രത്തിൽ മാധവനാണ് ചിത്രത്തിലെ നായകൻ.ഇപ്പോഴിതാ നായികയെയും തീരുമാനിച്ചിരിക്കുന്നു.
നായികയായി തെന്നിന്ത്യൻ സുന്ദരി സിമ്രാൻ എത്തുമെന്നാണ് റിപ്പോർട്ട്. എന്നാല്‍ ഇതിനെ സംബന്ധിച്ച്‌ ഓദ്യോഗിക അറിയിപ്പുകളൊന്നും നടത്തിയിട്ടില്ല. രജനികാന്ത് നായകനായി എത്തിയ പേട്ടയാണ് സിമ്രാന്‍റേതായി പുറത്തിറങ്ങിയ അവസാന ചിത്രം.
ആനന്ദ് മഹാദേവന്‍, ആര്‍. മാധവന്‍ എന്നിവര്‍ സംവിധാനം ചെയ്യുന്ന ചിത്രം തമിഴ്, ഹിന്ദി, ഇംഗ്ലീഷ് ഭാഷകളിലാണ് ഒരുങ്ങുന്നത്. ത്രികളര്‍ ഫിലിംസ്, വിജയ് മൂളന്‍ ടാക്കീസ്, സഫ്റോണ്‍ ഗണേശ എന്‍റര്‍ടെയ്ന്‍മെന്‍റ് എന്നീ ബാനറുകളിലാണ് ചിത്രം നിര്‍മിക്കുന്നത്.
Post Your Comments